بالفيديو.. تاجر مواشي: «أسعار الأضاحي نار ومش عارفين نشتغل»

مما لاشك فيه أن أسعار بيع المواشى في محافظات تربيتها تختلف كثيرا عن أسعار بيعها في القاهرة والمدن الكبرى، فهى تزيد على الجزار تكلفة النقل من المحافظات النائية، ومصاريف التعلف وختم في المدبح وتنقلها من تاجر لآخر حتى تصل للجزار، ومكسب الجزار نفسه.
في هذا الصدد، التقت "فيتو" أحد تجار الصعيد لمعرفة الفارق بين سعر الماشية في مكان التربية، وهنا في القاهرة.
بدأ عم إبراهيم حديثه قائلا: "سعر الكيلو في الصعيد سبعة وتلاتين جنيه الربع، والعجل يزن من تلاتين إلى أربعين كيلو في الطريق، ونصرف 300 جنيه حتى يصل لنا، يبقى نبيعه بكام بنضطر نبيعه ب 39 أو 40 جنيها والزبون مش مستحمل العجل بيخس بنحو 800 جنيه ويصرف 300 جنيه نقل ومصاريف يبقى 1100 جنيه وعندنا في الصعيد الجزار بيبيع ب 85 بيقف ب 120 هنا، واحنا تعبانين مش عارفين نعمل ايه نشتغل ولا منشتغلش".
وتابع عم إبراهيم:" العلف زاد 35 في المية، كان زمان التاجر اللى معاه 100 ألف جنيه شغال، دلوقتى راح مننا 60 في المية من التجار بطلو شغل، زمان كان فيه ربح وكنا عايشين ومكنش فيه زيادة".
وتابع زين العابدين أحد الجزارين: "بتيجى من الصعيد ب 37 جنيها إلا ربع بتتباع هنا ب 39 جنيها للكيلو، لأنه بيصرف علف وعربية العربية بس بتاخد 800 جنيه والعلف غالى شوال، الدرة ب 200 جنيه وكل المصاريف بتتحط على الدبيحة ده على التاجر، أما أنا كجزار بدفع علف وضريبة في المدبح يعنى العجل بيتكلف نحو 200 جنيه".