هاشتاج «رأيك إيه في الارتباط» يتصدر «تويتر».. عماد: «بيخلص الرصيد».. ناصر: «الكل خايف يتخان».. رحمة: «حلو بالحلال».. هاني: «زي الأكل البايت».. علي: «لمن استطاع إليه سبيلا».. وريهام: «أكبر ورطة»

أطلق مستخدمو موقع التواصل الاجتماعى «تويتر»، اليوم الثلاثاء، هاشتاجًا جديدًا تحت عنوان «رأيك في الارتباط»، تصدر أكثر الموضوعات تداولًا عبر الموقع، وتفاعل معه الكثير من المغردين، الذين تباينت آرؤاهم حول موضوع الارتباط بين الفتيات والشباب في ظل ارتفاع تكاليف الزواج، ومن جانبها رصدت «فيتو» بعض التعليقات.
«نعمة»
قالت هالة محمد: «بعد الجامعة والوظيفة استقرار»، فيما قالت فاطمة رمضان: «كنت بسمع الناس بتقول إن البنت لما بتحب وشها بينور.. بس الحقيقة إن قلبها هو اللي بينور وبيبان على وشها»، وقال شريف أحمد: «نعمة بس للي يقدر ويبقى قد المسئولية.. لكن المتخلفين واللي بيضيعوا النعمة من إيديهم.. حرام وخسارة فيهم».
وغردت سارة خلف قائلة: «الارتباط شيء جميل لكن هناك ظروف محيطة كثيرة تساعد على إفشاله»، وقالت إيمان أنور: «الارتباط حلو لما كل طرف بيطمن للتانى، لما البنت تسند الراجل بتاعها، ولما الراجل يطمن البنت إنه معاها وعاوزاها في الحلال»، وقال علاء علي: «الارتباط حلو مفيش كلام».
«الدنيا غالية نار»
وقال عبدالله حسن ساخرا من الارتباط: «ابن مين إنت في مصر عشان ترتبط وتتجوز اللى بتحبها الدنيا غالية نار»، وأضاف أحمد محمود: «لو مش في النور بيقي مالوش لازمة»، فيما قال عماد ماهر ساخرا: «بيخلص الرصيد»، وغرد ميدو ساخرا: «أنا ماعرفش الارتباط ده غير بالأكل والنوم والموبايل».
وقال ناصر بكر: «الكل يريد الارتباط بس الكل خايف إن الطرف الثاني يخونه»، وأضافت رحمة سعيد: «حلو بس في الحلال»، فيما قال محمد إلياس: «أنا شايف إنه مسئولية كبيرة لازم الواحد يكون قدها.. عشان ميظلمش الطرف التاني معاه، وإن الواحد لو مش قدها ما يتسرعش ويتأنى».
«شر لابد منه»
وأضافت نور فتحى ساخرة: «والله أحلى من الارتباط اللى بين الكاتشاب والبطاطس والبيض بالبسطرمة والشاورمة بالطحينة أنا مشفتش»، وقال هانى كندارى: «الارتباط عامل زى الأكل البايت»، وأضاف علي سمير ساخرا: «لمن استطاع إليه سبيلا»، وقالت ريهام محمد: «أكبر ورطة»، وغرد سيد عبدالعزيز قائلا: «أحلى علاقة لو مبني على تفاهم واحترام وسعادة والمهم البنت ماتكنش نكدية».
وقال نور محمود: «تفضل تجيب في هدايا وتشحن تليفونك وخروجات ولبس ومواسم رايحة وجاية وهات شبكة وشقة وفرح وسيبلي فلوس قبل ما تنزل ومحن فاضي»، فيما قال ميدو توتى ساخرا: «مش عارف بس هو بيخليك على الحديدة»، وقال محمد علي: «حتة البسكوت بتفتت في الشاي»، فيما قال أشرف سويلم: «شر لابد منه».