شلاليت

رمضان كريم ربنا يستر على المخاليق
ويبعد الشر عن خلقه في كل طريق
ونعيش سنين عمرنا من غير قلق أو ضيق
ونقول لرب العباد.. نجدة لكل غريق
باسمع كتير عن حاجات لكن عشان رمضان
أقول بلاش التعدي.. يبقى فيه إيمان
وكل إنسان يفكر إنه يوم إنسان
له مسئولية تجاه الخالق الديان
يافاكرين الحياة حرب وسلاح وخطوب
الحكم لله وعدله في العباد مطلوب
ما فيش لزوم للتعدي على البشر بذنوب
وبلاش نعيش الحياة متعذبين في كروب
حرب اليمن حرب سوريا حرب في لبنان
حرب العراق حرب مالطة حرب في أفغان
حرب الصومال حرب ليبيا حرب باكستان
حرب بأمريكا وأوروبا مع طهران
عالم غريب كل يوم حرب ودمار وخراب
وقتل للأبرياء فوضى بلا أسباب
والناس بكل افتراء تصدق الكداب
لأن فيه كدابين واقفين وراء الباب
فيه يوم قيامة وحسابه كلنا عارفين
رب العباد فيه بيحكم بين عباد ظالمين
وحكمه نافذ بدون شكوى ولا تخوين
يارب تتعلموا معنى الحياة والدين