نشطاء يرفضون حملة «امنع نقاب».. نوستولوجي: «دي آراؤكم أنتم ليه تفرضوها علينا».. شريف: «بيطالبوا بالحرية وفي نفس الوقت عايزين يقيدوا الناس».. آية: كدا أوڤر.. وأحمد يرد: خليكي متحضرة

رفض عدد من نشطاء موقعي التواصل الاجتماعي "فيس بوك وتويتر" حملة "امنع نقاب"، التي عقدت مؤتمرها، أمس، لمنع ارتداء المرأة للنقاب.
النشطاء المصريون أكدوا أنهم ضد تقييد ومنع الحريات، مشيرين إلى أن ارتداء النقاب أو عدم ارتدائه حق، ولا يجب العبث بالحريات والحقوق تحت أي مسمى.
دي آراؤكم
قال النوستولوجي: "في علمانيين عاملين حملة امنع النقاب.. دي آراؤكم أنتم ليه تفرضوها علينا هو ده بقى تجديد الخطاب الديني يا إخوانا"، وأضاف شريف عادل: "آل امنع النقاب آل.. بيطالبوا بالحرية وفي نفس ذات الوقت عايزين يقيدو الناس بأفكارهم".
وتابع أحمد خطاب: "ممكن كمان ندعم أي حملة بتطالب بمنع النقاب علشان التفتح.. امنع النقاب والبسوا بدل رقص خلونا نخلص من حكم الإسلام المتشدد"، وعلق فودكولوجي بقوله: "امنع النقاب خليك متحضر..!".
قبول الآخر
وقالت دينا: "في مجموعة المفروض مثقفين وبتوع حرية وتعددية وقبول الآخر وعاملين فيها تقدميين عاملين مبادرة اسمها امنع النقاب!"، وأضاف كميائي تامر قنديل: "مؤتمر الحريات اللي عنوانه امنع النقاب، عدد كل اللي حاضرين باللي لقط الصورة، 22 معنى كدا أنهم جايين في ميكروباص!!!".
وعلق محمد سليم: "رقص طالبات الإسكندرية فن جماعي ومهاجموه رجعيون، وهناك حملة امنع النقاب للأسف الشديد هذا هو حال مصر اليوم اللهم احفظنا، لك الله يا مصر"، وتابع محمود النجار: "الناس بتوع امنع النقاب لازم يتحاكموا"، وردت دادا النجار بقوله: "يعني هو فراغ عندكوا وخلااص!!! - مع الحرية الكاملة للمنتقبة".
فلتقل خيرا
وقال محمد عبدالعال: "لما تقرر إنك تكون عائق بين حد وربه.. بيحاولوا يقربوا لربنا إنتوا مالكوا... فلتقل خيرا أو لتصمت.. الخلاصة أنا بحترم الست المنقبة.. دي واحدة ضحت بجمالها وشكلها عشان تقرب خطوة لربنا".
وتابع عمر عبدالفتاح: "يعني ربنا سبحانه وتعالى بيأمرنا بالعفة والستر وعدم التبرج وانتو مبتنفذوش أمر ربنا وبتتبرجوا وبتلبسو ملط براحتكم وبتقولوا حرية طيب النقاب بردو حرية وسيبوا اللي يلبس يلبس واللي يقلع يقلع إنتو بتنادوا بالحرية في كل شيء لكن لما يكون الأمر متعلق بالدين والستر تقولو عليه إرهاب. لاحول‬ ولاقوة‬ الا بالله"‬، وعلق ياسر البغدادي: "حملة امنع النقاب.. 8على المنصه والباقي صحفيين...فين جمهور المؤتمر يا فشلة؟".
كدا أوڤر
أما آية رشاد، فكتبت: "كدا أوڤر أقسم بالله!"، وأشار أحمد فتحي: "الهبل مفيش أحسن منه الصراحة"، وتابع عمر: "شوية طلعوا يقولوا امنع نقاب، قام زعل منهم شوية تانيين وطلعوا يقولوا امنع مايوه.. ما ليناش دعوة بيهم".