هاجم الشاعر بهاء الدين محمد، المطربة السورية أصالة، بعدما قامت صفحتها الرسمية عبر "فيسبوك"، بحظر مقطع فيديو نشره عبر حسابه الشخصي، لأغنية "اتهمتك" التي كتب لها كلماتها قبل سنوات وطرحتها ضمن ألبوم "يا مجنون" عام 1999. وكتب عبر "فيسبوك": "صفحة أصالة قفلت صوتها وده قمة قلة الوعي والاحترام والطمع، دي أغاني بيكسبوا منها بقالهم سنين عايزين إيه تاني؟ بالرغم إنهم لا يملكوا حقوق كتير زي فيسبوك ويوتيوب لأن ماكانش وقتها الحقوق دي موجودة، ولكن مطربة بتمنع صوتها إنه يوصل للناس، وبأمانة شرف لناس كتير إني بشير أعمالي معاهم هنا ليكم". وأضاف بهاء الدين محمد: "أصالة بتقفل صوتها وبتعمل بلوك لأغنية بصوتها وبتعمل بلوك لفيديو على صفحة مين! هو ده الفن؟ هل محمد عبد الوهاب ولا بليغ حمدي أوغيرهم من المحترمين لما كانوا حتى بيغنوا أغنية من ألحانهم كان ممكن يمنعهم حد؟ أغرب حاجة باشوفها إن في بعض الأوقات المطرب أو المطربة بيقفل صوته بنفسه وعجبي!". تابع: وأضاف بهاء الدين محمد: "أصالة بتقفل صوتها وبتعمل بلوك لأغنية بصوتها وبتعمل بلوك لفيديو على صفحة مين! هو ده الفن؟ هل محمد عبد الوهاب ولا بليغ حمدي أوغيرهم من المحترمين لما كانوا حتى بيغنوا أغنية من ألحانهم كان ممكن يمنعهم حد؟ أغرب حاجة باشوفها إن في بعض الأوقات المطرب أو المطربة بيقفل صوته بنفسه وعجبي!". تابع: "كنت بحاول وبأعمل مجهود علشان أنزلكم أعمالي، رغم إن الموضوع مفيش منه أي عائد مادي، كل الموضوع عائد أدبي وفني وكان نفسي أكمل وأعرفكم على أعمالي ولكن بعض الأشخاص والشركات بتمنع حتى الفن، وبشكر كل الناس اللي طلعت محترمة بجد وكانت بتسهل وتساعد إن أعمالي تبقى على صفحتي لأن ناس كتير مايعرفوش غير جزء بسيط من أعمالي، وكنت أتمنى أكمل ولكن النفوس والفلوس وحشة، وأعتذرلكم عن عدم الاستمرار وخلينا في الجديد، وإن شاء الله خير".