أمين ل«رئيس الوزراء»: «لما إنت مش قد التعديل تعلن عنه ليه»

انتقد الإعلامي تامر أمين، اليوم الأحد، عدم البت في التعديل الوزاري حتى الآن، مخاطبًا رئيس الوزراء المهندس شريف إسماعيل: «فين التعديل يا بشمهندس؟ التعديل أنا فاكره من وأنا صغير، كل أسبوع تقول تعديل ومفيش تعديل، لعل المانع خير».
أضاف أمين، خلال تقديمه برنامج «الحياة اليوم»، عبر فضائية «الحياة»، «لما إنتوا مش قد التعديل الوزاري تعلنوا عنه ليه؟ تحرجوا نفسكم ليه وتخلوا شكلكم وحش قدام الرأي العام؟ إنتوا عارفين أن الإعلاميين متبريين من لسانهم، تدوهم فرصة يعلموا عليكم ليه يا حكومة؟».