فيديو| نجل «الحاجة زينب»: السيسي لبّس أمي «الصندل».. وده سادس حلق تتبرع بيه

رد الدسوقي علي، نجل الحاجة زينب، التي تبرعت ب«حلق» لصندوق «تحيا مصر»، على التعليقات المثارة والانتقادات التي نالتها والدته عقب الإعلان الدعائى الذى ظهرت فيه مع انطلاق شهر رمضان الجاري، قائلا: «إحنا أول ناس مظلومين واتظلمنا في الإعلان اللي ظهر للناس، إحنا مانعرفش حاجة عن الإعلان، ومانعرفش مين عملت دور الحاجة زينب في الإعلان، ولا حد أخد رأينا فيه».

وأضاف نجل «الحاجة زينب» خلال لقائه ببرنامج «العاشرة مساء»، المذاع على قناة «دريم»، مساء أمس، «الحاجة زينب اتبرعت قبل كده بكذا حلق وده سادس حلق تتبرع بيه، وكل ده من معاش أبويا».
وأكمل: «الرئيس السيسي راجل محترم وهو بيوصلها العربية الصندل وقع من رجلها، ولبّسه لها بإيده»، معلقًا «شوف التواضع، رئيس الجمهورية يلبس أفقر واحدة في الدولة».
وتابع: «أنا أقدر أرفع قضية على صاحب الإعلان ده، بس وافقنا عشان خاطر مصر والنية سليمة، وهما عايزين يجيبوا فلوس لصندوق تحيا مصر عشان مساعدة الناس».