باسم يوسف: «نظام مش بيسمع لحد».. نقول مبروك للسعودية الجزر الجديدة

واصل الإعلامي باسم يوسف، اليوم الأحد، مهاجمته للنظام الحاكم، على خلفية اتفاقية ترسيم الحدود التي وقعها الرئيس عبد الفتاح السيسي، وخادم الحرمين الشريفين الملك سلمان بن عبد العزيز، والتي بمقتاضها تقع جزيرتا تيران وصنافير في المياه الإقليمية السعودية.
وكتب يوسف، عبر صفحته الرسمية بموقع التواصل الاجتماعي «فيسبوك»: «إنتوا عارفين؟ احتمال كل مجهودنا ده ينزل على الفاضي، ماهو نظام مش بيسمع لحد، وفي الحالة دي نحب نقول مبروك للسعودية الجزر الجديدة».
وقال الإعلامي الساخر في تدوينة سابقة: «الموضوع مش إن الجزر دي مصرية ولا سعودية، الموضوع أن شعبك بيعرف أن فيه جزيرتين اتاخدوا منه من الجرايد، يعني لو فعلًا هي سعودية، بتحطوها في مناهج التعليم ليه على إنها مصرية؟ أو تبع وزارة البيئة أو في الكتب التاريخية اللي بتتكتب من 100 سنة؟ كنتم تقولوا أنها سلفة».
أضاف: «طيب لو فيه مفاوضات شغالة، ماقلتوش ليه؟ إيه بنود التفاوض والاتفاق؟ ليه الموقف التفاوضي المصري فجأة اتغير؟ ليه رجعنا الجزر دي النهاردة مش من عشرة ولا عشرين سنة، وأظن السعودية من عشرة عشرين سنة كان عندها جيش وقوات وبحرية برضو».
تابع: «يعني إيه تعامل شعبك كقطيع مالوش فيها عشان يصحى الصبح على الخبر ده؟ طب وضع الدستور اللي إنتم رقصتُم عشانه قدام اللجان؟ مش المفروض فيه استفتاء على الاتفاقيات اللي بتمس السيادة والأرض؟ طب مثلوا، طب اضحكوا علينا؟ طب عاملونا إننا شعب كده وكده زي ما بنعاملكم إنكم سلطة كده وكده»، مستكملًا: «بيعها حتة حتة، غاز ونيل وأرض».