رد الكاتب الصحفي خالد صلاح، اليوم الثلاثاء، على مهاجمة الإعلامي أحمد موسى له، بسبب استضافته للمخرج السينمائي والنائب خالد يوسف، ببرنامجه «آخر النهار»، عبر فضائية «النهار»؛ على خلفية عرض «موسى» ببرنامجه «على مسئوليتي»، عبر فضائية «صدى البلد»، صور فاضحة نسبها ل«يوسف». وقال صلاح: «موسى جن جنونه عندما رآني استضيف خالد يوسف، وتكبر أكثر من اللازم، وأحمد موسى يعلم جيدًا أن لدي معلومات خطيرة جدًا تخصه، وإذا وصل به مستوى التدني لذلك فاعلم يا أحمد موسى إني هكون واقفلك بالمرصاد وبقوة أكثر مما تتصور». وأضاف: «افتكر يا أحمد موسى لما كنت بتعيطلنا عشان نصالحلك على أسامة الغزالي حرب عشان الحبس، وافتكر إحنا قولنا إيه، وافتكر إحنا طلعناك إزاي، وافتكر كنت بتعيط إزاي، وافتكر عملنا إيه وقولنا للغزالي إيه، وافتكر إننا مرضناش ننشرلك ولا قفا من اللي أخدتها وقولنا عيب ميصحش». واستكمل: «عيب توصلنا للانحطاط، أكبر وارجع إلى الحق أحسن ما تعمل كده، إنت مش قدي، وبقولهالك على بلاطة، وهتعرف هعمل إيه، ده انحطاط وتدني، خد بالك يا أحمد أنا جاهزلك»، واختتم الحلقة قائلًا: «اللهم نقي الإعلام والسياسة في مصر من الدعارة».