هاجم الإعلامي أحمد موسى، اليوم الثلاثاء، الكاتب الصحفي خالد صلاح، لاستضافته المخرج السينمائي والنائب البرلماني خالد يوسف، ببرنامجه «آخر النهار»، عبر فضائية «النهار»؛ مؤكدًا أنه «مش عايز يتكلم عشان ميفضحش حد، على الأقل محدش بيديني فلوس، بلاش، ومش عايز أفتح، ولو فتحت هعور ناس كتير». وأضاف موسى، خلال برنامجه «على مسئوليتي»، عبر فضائية «صدى البلد»، «قد اضطر لفضح ما يجري، ولو اضطريت هقلب الترابيزة على الجميع، هقلب الترابيزة على أي حد واللي مشغله، وده تحذير، وعندي كتير مش محتاج أسئل، مش عايز أعور حد، واللي بيتكلم عن الشرف يشوف بيته الأول، الموقع بتاعك بيعرض فيديوهات جنسية كل يوم، شوف موقعك الأول». وتابع: «مش عايز حد يزايد، فضايحكم بجلاجل، وكل كلمة بتخرج مني أنا قدها، خالد صلاح يخرج يقولي أنا كنت بدعم الإخوان، ده هو اللي كان حليف لهم، وعمرو أديب قالهله، وأنا مش عايز أتكلم، وعندي كتير، وكفاية إنك كنت عضو في الجماعة الإسلامية في إمبابة قبل كده، مش عايز أتكلم، استكوا أحسنلكم». ويذكر أن صلاح قد انتقد موسى بشكل لاذع، على خلفية إذاعة الأخير صورًا فاضحة ل«خالد يوسف» في إحدى حلقات «على مسئوليتي».