بالفيديو.. سيف زاهر: أبو تريكة إنسان محترم

انتقد الكابتن سيف زاهر، عضو مجلس اتحاد الكرة، كل من يهاجم اللاعب الكبير محمد أبو تريكة، نجم النادي الأهلي المعتزل، قائلًا: "عيب يا جماعة، أبو تريكة قامة كروية كبيرة، لاعيب كبير أوي، يا ما إدى للأهلي ولمصر، بغض النظر عن انتماؤه السياسي".
أضاف زاهر، خلال تقديمه لحلقة اليوم الثلاثاء، من برنامج "الكورة مع الحياة" المذاع على فضائية الحياة 2، قائلًا: "الراجل اعتزل خلاص، اعتزل ومحترم وبيحترم نفسه، وطول عمره محترم، لا بيطلع في فضائيات ولا بيتكلم ولا بيضايق حد، ليه كل شوية نفتحله في المواضيع؟ يا أخي عشانه ياما فرحنا، عشان حتى تاريخه، ده حتى رفض يعمل ماتش اعتزال، إحنا للأسف مش قادرين نحترم الراجل ولا تاريخه وإنجازاته، إحنا بقينا صعبين أوي الحقيقة".