حذّر الإعلامي عمرو أديب الرئيس عبد الفتاح السيسي «في ناس يا سيادة الرئيس كامنة في الجحور حتى الآن، تعابين عايزة تطلع تلدغ البلد في أي لحظة»، واستكمل أديب: «أنت الوحيد اللي موقعتش بس هيوقعوك هيوقعوك». وأضاف أديب في برنامجه «القاهرة اليوم» على قناة «اليوم»، مساء الاثنين، «ربنا أداك شعب واعي صحي للمؤامرة، جيش وطني وبيتخاف منه وشرطة ماسكه نفسها، إزاي الشرطة المصرية واقفة من 30 يونيو لغاية انهاردة ووقعت في 18 يوم أيام ثورة 25 يناير». وقال أديب «إنما انهاردة من 30 يونيو لحد دلوقتي الشرطة واقفة قدام قنابل وإرهابيين ومسيرات ومظاهرات، كل يوم جمعة طلعت مسيرات وضربناها بالغاز وبعدين؟!، انت شوفت أوباما بيتعامل إزاي في ميزوري؟! يعني ايه حرية رأي!».