أم جمال تتحدث الى شعب المملكة

أمس تحدثت ام جمال عن الانجازات التى حدثت خلال الخمس سنين الماضية والتى لم يسبق ان كان لها مثيل وقالت ناصحة الشعب ان ينزل ليرى الانجازات بدلا من ان يتكلم وهو جالس ببيته
و لا يرى شىء سوى السلبيات فلينزل ليرى الايجابيات . ,كفاية فصحى هتكلم عاميه لان الضغط لما بيعلا يعلا يعلا مبينفعش غير العامية الشعبيه , ام جمال اديتنى انطباع ان الشعب مهاجر بره ومبينزلش مصر الا اجازات كل خمس سنين , الست ام جمال كانت فى اسنا بتفتتح مدرسة وبتشيد بإن الديسك, المنضدة, التخته يعنى بيجلس عليها طالبين وان لكل طالبين لاب توب مشترك ,نو كومنت منى مع ابتسامه صفرا ,شوفى يا ام جمال انتى اعلم منى بأن اللاب توب والديسك الشيك بتاع الطالبين ديكور للتصوير لزوم التدليس , وبعدين اى خدمه طبيعيه مقدمه تليق بمصر والمصريين من فلوسنا احنا الشعب مش هديه من النظام ده حقنا ,و اكيد مبتصرفوش علينا من ميراث والد سيادك او والد ابو جمال, اعتقد انكوا مورثتوش حاجة من الاباء ورثتونا احنا الشعب بالحيا وفى تصريحاتكوا دايما بتحسسونا انكوا بتعطفوا علينا ده ايه الهم ده انا مش فاهمة ,واكتر حاجة مش فاهماها هى تصريح سيادتك وانتى بتقوللى الخمس سنين القادمين ستتحقق انجازات تعد نقله , نقلة ايه لما الحاكم بتاع نقلات منقلناش من ربع قرن ليه,مبدئيا كده هل من الديمقراطيه انك تعتبرى نتيجة الانتخابات انت والبيه بعلك والمحروس ابنك منتهيه وتتكلموا بلسان حال انكم حكام مصر الى اجل غير مسمى دون خوض الانتخابات ,ده يتسمى ايه يا ام جمال غير استبداد ومصادرة ارادة شعب وثقه انك عايشة انت والاسره المنيله وتناسيتى تماما ان الاعمار بيد الله وحده وانكم لا تضمنوا العمر لحظه مش فتره رئاسية سادسة ,هنا بقى لازم كومنت ودعوة من القلب , حسبى الله ونعم الوكيل, فأسوء ما يشعر به بشر ان يخلقه الله حرا فيستعبده امثالكم .واقعنا اصبح اليم بسببكم يا ام جمال فلا الرئيس رحم اسر مصرية فقدت ذويها فى حادث العبارة الشهير واخذ الامر كأنه نكته وكلماته دلت على مدى استهانتكم بنا, رحمنا الله منكم ,ولا المحروس ابنك وهو بيقول اننا نعيش عصر الانجازات, الشعب محطم وتقولوا انجازات, ولا سلمنا من لسانك اللى عايز قطعه وانت بتقولى بدل الكلام من البيوت انزلوا شوفوا الايجابيات وكأننا نحن سكان قصر العروبة ومالكى مصر بالطوارىء و التزوير ...............تنهيده واااااااااااه يا بلد من هنا بقلب القاهرة لحلايب وشلاتين.