حالة عامة من الكأبة تسود مصر الاصحاب الاقارب الجيران الناس فى الشارع كل ما تتكلم مع اى انسان حامل للجنسية المصرية تلاقيه طهقان زهقان متضايق مجروح مخنوق مش فايق وكأن الكأبه وباء والجنسية المصرية مرض و وزارة الصحة وجعلنا دماغنا كل سنه بانفلونزا الطيور والخنازير لغرض ما فى نفس يعقوب مع ان خطرهم اقل من خطر الضغوط النفسية الحالات المنتحرة فى مصر بسبب فقدان الامل اضعاف اعداد من ماتوا بالانفلونزا بانواعها المختلفة نصيحة لوزارة الصحة يا ريت يعملوا حملة اعلانيه للتحذير من اعراض التهاب المرارة و مخاطر الاصابة بالسكر والضغط والذبحة الصدرية والسكته الدماغية الناتجه عن الحياة فى بلد رئيسها مبارك ورئيس وزرائها نظيف على الاخر ووزرائها شعارهم احلى من الشرف مفيش حملة التوعيه كده هتبقى منطقيه وعملية اكتر ويا حبذا لو بشعار المصرى اللى على حق يقول للحكومة اللى جابت اكتئاب لشعب كامل لاء عمليا الاكتئاب والحزن اخطر ما يعيشه اهل مصر احساس الكأبه يؤثر بالسلب على حياة الانسان فى شتى المجالات مثلا السلبيه التى يعيشها المصرى جزء منها يرجع لنظرتنا السوداوية للحياة احساس الغالبيه بفقدان الامل فى حياة افضل اثر فى تفاعلنا مع اى حدث وكانه شأن لا يخصنا اصبحنا نعيش بنظرية مفيش فايدة وشوشنا كلنا ملاها الحزن من الهم واللى عايز يتأكد من ان الحالة شبه عامة ينزل خمسه سياحة فى اى منطقة تعجبه من اول نقطة فى مصر لاخر نقطة ويدقق فى وشوش المصريين هيلاقى الاسى والتكشيرة والعصبيه اخدت مننا رقات احساس المصرى بهوانه حتى على نفسه حطمه نفسيا وعمليا حالنا يرثى اليه مستقرين فى قاع الزجاجة وبدل ما كنا فى العنق من تلاتين سنه نزلنا القاع واستقرينا فيه كل ما باب امل يفتح امامنا النظام يقفله مشكلتنا اننا بنستنى باب الامل يتفتح وطبعا السلطة من الطبيعى تحمى نفسها بغلقه لو احنا كشعب قررنا نفتح الباب هنلحق نفتحه على مصراعيه ووقتها لن يجروء احد على غلقه والطريقة المثالية لفتح باب الامل هو ان نتعلم ثقافة العمل الجماعى وبدلا من التناحر فيما بيننا هذا اخوان وهذا يسار هذا احزاب وتلك حركة حرة للتغيير من افضل فينا اعتقد سنكون افضل بعملنا معا من اجل مصر ومن اجلنا جميعا وبدل من اهدار طاقتنا فيما لا يفيد نركز ونتحد ونتخلص من التكشيرة بالتخلص من سبب التكشيرة الاساسى وزى ما قال صلاح جاهين الضحك قال يا سم ع التكشير امشير و طوبه وانا ربيعي بشير مطرح ما باظهر بانتصر ع العدم انشالله أكون رسماية بالطباشير عجبي !!!!
