العصافير إللى طارت

رحلة فى صفحات الفيس بوك لأبطالنا من شباب التغيير وإللى بيتعرضوا للحبس علشان بيحبوا مصر علشان نشوف بعد خروجهم مباشرة من الحبس بيقولوا إيه ؟؟
مش حينفع
العصافير إللى طارت
لجل ما اتغرد وتنشد للصباح
مستحيل ابدا تخاف
مستحيل تهبط وترجع
مش حينفع ..........
- تعالوا معايا ومع إنتهاء الإمتحانات وبداية المصيف نطلع سوا فى رحلة أراهن إنها حتكون أمتع رحلة فى حياتنا كلنا
- رحلة وسط أجدع و أرجل و أشرف ناس فى بر مصر خلال الخمس شهور إللى فاتت
- تعالوا نشوف عصافير الحرية بعد ما بتطير و بتخرج من قفص الخوف والسلبية والقهر مباشرة بتقول إيه
- وخلونا نبدأ بالكبير د/ طه عبدالتواب وبعد إنتهاء إضرابه الشهير إحتجاجا على الإعتداء عليه وإهانته من كلاب أمن الدولة ودخوله على الفيس بوك شوفوا قال إيه
د.طه عبدالتواب :
هل تري يا مصر القاك يوما ....
تكتبين لنا من النصر المفاخر .......
ذلك الحلم الذي ارجوه دوما ...
أن أراك عزيزة و الله قادر ........ 01 مايو، الساعة 08:52 مساءً · -
نطلع من الفيوم ونجرى على المنصورة ونشوف بطلنا اللى محيرنا وواجع قلبنا طارق ثروت بعد رجوعه مرحلا من الكويت بتهمة حب مصر وبعد إشاعات عن إبتعاده عن أى نشاط
سياسى تعالوا نشوف قال إيه
: MM Tariq Tharwat (
الحمد لله لقد عدت إلى منزلي أشكر جميع من سأل علي و كل ومن أرسل هذه الرسائل الجميلة المعبره و أطمأنكم أنا بخير و موقفي ثابت كما تحبون و أسأل الله أن يجعلني عند حسن ظنكم) 29 أبريل، الساعة 01:08 صباحاً
( بعض الأخوه و الأخوات الذين يتحدثون ببعض الشفقة أطمأنكم انها لم تكن فتره سيئه على الاطلاق بل اني قابلت مصريين طيبين و رجال محترمين و بسطاء سواء من زملائي المحبوسين بدون داعي أو حتى من الجنود و الضباط الذين هم ضحايا مثل باقي اخوانهم المصريين لقائي بكل هؤلاء قد علمني الكثير و أراني أشياء جديده تستوجب التغيير ) 29 أبريل، - نشوف بقى ملاك الحرية والتغيير أحمد عبدالوهاب بعد خروجه من الحبس يوم 6 إبريل قال إيه : MM Ahmed Abd El Wahab لم يستطيع الطغاة بعد اكتشا ف سلاسل تكبل العقول...ا 6 أبريل - بعد كده و بما إنى شرقاوى فلازم تشرفوا عندى شوية ونشوف بعد ما أحتجزنى الأمن أنا والأستاذ حرش يوم 3 مايو لمدة 4 ساعات علشان ما نوصلش للمظاهرة قلت إيه : MM Hamada Elnaggar أشهد الله أننى لن أنحنى لمخلوق ماحييت 03 مايو، الساعة 11:54 مساءً - نخرج على طول ونروح البحيرة ونشوف سارة برنار الشرق الحزين إللى هى سارة أبوزيد الهلالى بعد ما تم تهديد أسرتها من قبل أمن الدولة لتكف عن المشاركة فى الحلم وبعد ما اهلها شددوا عليها بعدم المشاركة ولو بالنت فقط وبعد ما الشوق قتلها لبعدها عن المشاركة فى صنع بكرة نضيف... قالت إيه : سارة أبو زيد الهلالى (( احترمت رغبة الأسرة حين قلت لن أتكلم ولكن اعتذر لهم بشدة وأقول اكتشفت ان بلدى غالية جدا عليا وأقول سامحونى اسرتى الغالية )) 13 مايو، 2010، الساعة 07:20 مساءً وأخيرا نشوف إثنين لسه خارجين من نيابة أمن الدولة بالزقازيق يوم 4/ 7 /2010 طازة ونشوف قالوا إيه : عبدالرحمن رشدي اتجمعوا العشاق في سجن القلعة ... اتجمعوا العشاق في باب الخلق و الشمس غنوة من الزنازن طالعة .. و مصر غنوة مفرعة في الحلق تجمعوا العشاق بالزنزانة .... مهما يطول السجن مهما القهر مهما يزيد الفجر بالسجانة .. مين اللي يقدر ساعة يحبس مصر الف شكر للجميع على اهتمامكم بينا واحب اطمن الكل هنا اننا خرجنا اقوى بكتير ومستنيين اي شغل جديد أمس في الساعة 09:48 صباحاً MM Ahmad Abd Arrahman بحبك يا مصر ,,,,, و مش عاوز حد يكتب تعليقات أنا بتكلم جد 3 hours ago · على فكرة فيه ناس كتير جدا تانيين بعد ما خرجوا كانت تعبيراتهم أقوى وأشد إصرارا على الإستمرار لكن للأسف ما أقدرتش أوصل لها ............. المهم و من الآخر الرسالة من كل ده إننا بنقول : يا أغبيا يا بتوع أمن الدولة إحنا بنخرج من عندكم أقوى وأقوى وأقوى فشكرا ليكم وألف تحية للعصافير إللى طارت