معوض يفتح النار على جهاز المنتخب ويؤكد : انا بكرههم !

اكد سيد معوض لاعب الأهلى انه لم يحدث اى مشادة بينه وبين محمد يوسف المدير الفنى للفريق كما رددت بعض المواقع .

وقال معوض فى تصريحات لقناة "الأهلى" " اللى كتب الخبر مكلفش نفسه يسألنى ، وانا كنت مصاب وخرجت من قائمة مباراة المحلة لهذا السبب ، وانا طبيعى انى اكون متضايق لأنى هأغيب للإصابة" .

وعن استبعاده عن المنتخب قال " فوجئت ان كابتن زكى عبد الفتاح واللى انا مش عارف هو دوره ايه واللى معرفش بيتكلم ليه وهو مدرب حراس مرمى بيقول انهم استبعدونى لأنى مصاب رغم ان التأشيرات المفروض انها طلعت للاعبيتن المختارين منذ 10 ايام" .

واضاف " ومش كابتن زكى هو اللى يطلع يقول انهم استبعدونى وزكى يشتغل فى امريكا احسن ، ويبدو ان بعض الإختيارات تتم بناء على الحب والكره ، ولو الجهاز الفنى ده مش بيحبنى واحد فى المائة انا بكرههم مائة فى المائة وانا مش عايز اكون معاهم " .