الأهلي نيوز : الثلاثي المرعب في الأهلي .. ومن سيتوهج الموسم القادم

الأهلي نيوز : علي معلول ظهير أيسر الأهلي ، هو رجل الموسم بلا منازع وهو افضل محترف في الدوري بالأرقام وحجم المساهمة وكل اللاعبين امبارح كانوا في قمة تركيزهم ولعبوا بروح الأهلي ولكن في 3 نقاط فنية مستحيل مكلمكمش عليهم وسط الفرحة.
الأهلي نيوز : معلول رجل الموسم في الأهلي
الأهلي نيوز : حمدي فتحي الأخطبوط زي ما بحب اسميه حمدي فتحي رؤيته في الملعب هي توثيق لكل شئ رقمي ولكن حمدي فتحي عمل مباراة رقميا لازم يحطها في تاريخه. حمدي فتحي عمل 56 تمريرة منهم 53 تمريرة صحيحة بدقة 95 % . حمدي فتحي عمل 4 كرات طولية كلهم فيهم مخاطرة وال 4 تمريرات صحيحة بدقة 100 % . حمدي فتحي اكتر لاعب في الفريقين استخلص الكرة نجح في 18 مرة .
الأهلي نيوز : حمدي فتحي تمريراته الامامية 40 % و الجانبية 34 % والخلفية 26 % فقط . حمدي فتحي وجه رسالة لطارق حامد ان المخ لا يتعارض مع العضلات. حمدي فتحي أكدلي اني كنت صح لما قولت انه اكتر لاعب منتخب مصر خسره ، صالح صنع هدف وعمل مراوغتين في لقاء المقاولون الاتنين ناجحين وسجل بقى معايا دقة تمريراته الارضية 100 % يعني 15 تمريرة صحيحة من اصل 15 هتقولي يبقى تمريرات سلبية هقولك صالح عمل تمريرة واحدة بس للخلف واحدة بس يا مؤمنين. اتمنى صالح يحافظ في اللي جي لانه لو كمل كدة بكرة بتاعه هو وبس
الأهلي نيوز : المستقبل ينتظر حسين السيد
الأهلي نيوز : حسين الشحات لاسارتي قال عليه انه هيكون مفاجأة الموسم ولما اتقالي هل دة دعم معنوي قولت لا. لو الراجل مش واثق في الشحات التصريح دة يضغطة اكتر مش يساعده انما التصريح دة نتيجة انه شاف حسين الشحات كويس وحسين عرف يظهر بشكل كويس في معسكر مفيهوش ضغوط. فنيا ورقميا حسين عنده لسه افضل بكتير ولكن ظاهرتين لازم ارصدهم اولهم اول مرة نسبه تمريرات حسين الشحات الامامية توصل ل 67 % في مقابل 17 % جانبية و 16 % للخلف وهنا حسين الشحات اتحرر من كتير من الضغوط .