آه يابن الجنية يامبارك

بالبلدى

«آه يابن الجنية» يا حسني يا مبارك هذه الأغنية اللي اسمها «آه يابن الجنية» هي أغنية ختام مسلسل الريان ويغنيها صديقي المطرب اللبناني الموهوب فضل شاكر واللي لحنها صديقي برضه الملحن العبقري وليد سعد واللي كتب كلامها الشاعر الموهوب أيمن بهجت قمر نجل العبقري الراحل بهجت قمر وهي أحلي أغنية من أغاني مسلسلات رمضان اللي سرق منهم الأضواء «مسلسل محاكمة حسني مبارك» اللي بيكتبه المحامي فريد الديب واللي بيخرجه المجلس العسكري ومحاكمة حسني مبارك اللي كان حاكم ودلوقتي بيتحاكم.. والدور اللي بيمثله حسني مبارك يستحق عليه جائزة الاوسكار في الكدب لما عمل إنه مريض وبيموت وهو صحته زي الحديد.. الرئيس مبارك هو أول رئيس مصري في تاريخ مصر منذ عهد الفراعنة يكون حاكما وبعد كده يتحاكم وهذه العظة والحكمة يعلمها ويعيشها الشعب المصري العظيم الذي جعله ربنا سببا لخلع الرئيس السابق مبارك وعلي فكرة جميع الرؤساء السابقين لمصر إما ماتوا مقتولين أو ماتوا موتة ربنا مفيش رئيس في تاريخ مصر كان حاكم واتحاكم غير حسني مبارك أسوأ رئيس مصري في تاريخ مصر.
نروح إلي مسلسلات رمضان اللي بتحتل النسبة الثانية في المشاهدة بعد مسلسل محاكمة مبارك.
مسلسلات رمضان السنة دي مش قد كده كلها شبه بعضها باستثناء مسلسلين الأول الريان والثاني خاتم سليمان ورأيي أو رأي صاحبي المسطول إن الفنانين خالد صالح وخالد الصاوي يستحقان لقب أحسن ممثل طبعا بعد الممثل الاول الرئيس السابق مبارك.
غادة عبدالرازق في سمارة خلت المشاهدين يترحموا علي العظيمة الراحلة تحية كاريوكا وأطلقوا علي غادة عبدالرازق أسوأ ممثل في رمضان ومعاها الثنائي فيفي عبده وسمية خشاب بمسلسلهما الهابط «كيد النسا» ولازم يبقي اسمه كيد المشاهدين اللي تفوا علي هذا