هادية غالب بعد التنمر عليها: "مش هخلي أي شر ينتصر عليا وربنا مع الخير"

تصدرت البلوجر الشهيرة هادية غالب، مؤشرات البحث بعد توجيه الشكر لمتابعيها عبر حسابها على "انستجرام"، بعد رسائل الدعم التي وصلت لها مؤخرًا، وعقب الفيديو الأخير الذي كشفت خلاله عن تعرضها للتنمر والسخرية عبر منصات السوشيال ميديا.
هادية غالب على انستجرام
وكتبت هادية غالب عبر خاصية "انستا ستوري" على "انستجرام": "عايزة أطمنكم إني الحمد لله كويسة، وقوية مش هخلي أي شر ينتصر عليا، ربنا مع الخير وأنا مؤمنة بكده، والشجرة المثمرة تلقى بالحجارة" معبرة عن شكرها ل30 ألف رسالة، وصفتها بالمحبة"، وفي وقت سابق، كشفت غالب عن تعرضها للتنمر بعد نشرها العديد من الفيديو الذي تكشف جانب من حياتها، وقالت أن الهدف من الفيديو هو تقديم محتوى تشجيعي يعطي أملا لمُتابعيها.
و قالت هادية غالب: "حاجة بقولها عشان أوصلكوا حاجة معينة، فجأة ألاقي الناس واخدينها تريقة على الإنترنت، فأنا خلاص تعبت لدرجة إني أوقات مش قادرة أصحى من النوم، أصلا هصحى من النوم ليه والدنيا كلها شر وحقد، وأنا كل اللى بحاول أعمله إني أكون مثال كويس، أنا صحتي النفسية باظت، بروح لدكتور وباخد أدوية، أنا هتدمر".
تفاصيل أزمة هادية غالب
أوضحت هادية غالب، أن الهدف من حديثها عن تفاصيل وأسرار من حياتها الشخصية، هو توصيل رسائل إيجابية لمتابعيها، لتحفيزهم على الخروج من أي أزمات بسهولة، لكنها تقابل الأمر بحالات من السخرية منها والتنمر عليها: "تخيلوا أنتوا بتحاولوا تقولوا مسدج كويسة وتقولوا إنكوا فخورين بيها، تلاقوا الحاجة دي اتاخدت برة السياق واتعمل منها مُسخة، مش متخيلين الموضوع كان صعب إزاي".
هادية غالب

هادية غالب و اللجوء إلى القانون
وانهت هادية غالب حديثها، موضحة أنها ستضطر إلى اللجوء للقانون؛ لتتمكن من حماية نفسها من حالات التنمر المستمرة التي تتعرض لها: "أنا بصراحة مش عارفة أخلي بالي من نفسي إزاي وأحمي نفسي إزاي غير إني هبتدي أدور على محامي، دي الطريقة الوحيدة اللي هقدر أحمي بيها نفسي، انتوا بتدمروني، صحتي النفسية باظت بروح لدكتور وباخد أدوية، أنا هتدمر".. وعادة ما تحرص هادية غالب على الحديث عن بعض من التفاصيل الخاصة بحياتها الشخصية، وكيفية نجاحها في تحقيق أهدافها، بغرض تحفيز الفتيات والشباب الذين يتابعونها خلال تحقيق طموحاتهم.
للاطلاع على أبرز وأهم الأخبار والأحداث يرجى الاشتراك بالصفحة الرسمية لموقع صوت الأمة.. أضغط هنا