السيسي: اللي حصل في البلد من 7 سنين مش هيتكرر تاني

قال الرئيس عبدالفتاح السيسي، إنه على الجميع أن يتعلم "يعني إيه دولة؟"، لأن البعض يتحدث بكلام يضر مصالح الشعب المصري دون أن يعيي ذلك.
وأضاف، خلال كلمته في افتتاح حقل ظهر لإنتاج الغاز، أن التنقيب في الحقل يعود لأهمية خط ترسيم الحدود مع قبرص، موضحا أن البلاد لن تكبر بالكلام، وإنما تكبر بالعمل والجهد والمسؤولية والشرف.
وقال الرئيس: "قسما بالله اللى أنتم شايفينه دا مكنش هيحصل لولا الاستقرار وثبات المصريين، الحقل دا يمثل إنتاج 60 % من إنتاج الكهرباء في مصر، طب الكهرباء كلها بتجي منين؟، محدش يتكلم عن بلده ويبقى عايز يضيعها ويقول دي حقوق ال100 مليون".
وشدد الرئيس بقوله: "ميصحش حد يلعب في أمن مصر وإحنا موجودين، اللى عايز يلعب في أمن مصر يخلص مني الأول، أنا أروح بس ال100 مليون يعيشوا، الكلام اللي اتعمل من 7-8 سنين مش هيتكرر في مصر، اللى مانجحش وقتها عايزين تنجحوه دلوقتي، أمن واستقرار مصر تمنه حياتي وحياة الجيش، محدش يفكر يدخل معايا في الموضوع دا أنا مش سياسي ومش بتاع كلام، إحنا مش بنمشي البلد بالكلام، وأي حد يفكر إنه يقرب منها، أنا هقول للمصريين انزلوا تاني أدوني تفويض قدام الأشرار، أنا ما بخافش إلا من ربنا وعلى مصر بس".
وأضاف الرئيس: "هنعمل أكاديمية نعلم فيها الناس يعني إيه دولة، أنا بقالي 50 سنة بتعلم يعني إيه دولة، أنا صعب أوي في ناس مبتفكش الخط للدولة وعايزة تتصدى وتتكلم".