سما المصري جاية في أي "خناقة"

أخفقت الفنانة "شيرين عبد الوهاب" أكثر من مرة فى عدة مواضع، وعاتبها النقاد والجماهير على تلك الزلات والاخفاقات، لكن اللافت في واقعتها الأخيرة، الدخول المفاجئ للراقصة سما المصرى الذي افتقر لأدبيات النقد والاختلاف، الذي بدى للعيان بأنه "ردح" وليس نقدًا فقد قالت المصرى ل" شرين" إن كنتوا نسيتوا اللي جرى، الله يرحم أيام الكحرتة، الأخت الفنانة شيرين في واحدة في حفلة طلبت منها أغنية (ماشربتش من نيلها) فردت عليها وقالت لها (هيجيلك بهارسيا)، اشربى (مياه .... أحسن).
ولم تكتفِ المصري بذلك ونشرت صورة لشيرين فى بداية مشوارها الفنى، قائلة: "دي صورة الأخت الفنانة شيرين أيام ما كان عندها بلهارسيا، أيام ماكانت بتشرب من ميه النيل قبل ماتتعلم انجليزى وتعرف تقول اسم الميه المعدنيه بالإنجليزي، اللهم يرحم كنتي زمان، وكنتى فاكرة الكريسماس آيس كريم انتى اللى قلتيلى كده فاكره؟".
وتابعت سما: "بصى أنا مش هقولك مصر اللى عملتك ولا مصر اللى نضفتك زى ناس كتير ماهتقولك كده لا سمح الله، لا أنا هقولك ميه البلهارسيا دى بتاعت مصر، عارفه يعنى إيه مصر ولا مش عارفه؟، هى المياه دى اللى خلتك شيرين والعيب مش عليكى العيب على اللى لسه بيقول عليكى فنانة ونجمة وانتى طايحه فى خلق الله، مرة عمرو دياب ومرة شريف مدكور وصوتى لعساف ضد أحمد جمال ابن بلدك".
وأضافت سما: "بصى يابنتى أنا عارفة إنك بتحبى لبنان عشان ماعندهمش بلهارسيا زينا، ريحينا منك ومن لسانك على الناس وعلى مصر اللى بقى يقل أدبه حتى على مصر اللى ربتك وروحى عيشى فى لبنان والله هنكسر وراكى زير، بلد البلهارسيا ماتنفعش تعيش فيها واحدة زيك بتاعت مياه معدنيه وفساتين براندات وبارفانات وحاجات، سيبى دا للغلابة، فاكره مطعم .... اللى فى المنيل اللى نصر محروس اخدك منه وانتى بتغنى هناك بالشبشب أبو ورده؟، لسه موجود المطعم ويشهد انك كنتى مش لاقيه حتى تشربى ميه البلهارسيا لا انتى عارفه كنتى بتشربى مياه إيه".
سما المصرى وغادة عبد الرزق
غادة عبد الرازق
كما لم تفوت سما المصري الفرصة، دون التعليق على الفيديو الشهير للفنانة غادة عبد الرازق على صفحتها الشخصية انستجرام، قائلة " اشمعنا غادة تطلع لايف، طاب ما انا طلعت لايف وكنت زي القمر شفتوا بصة العين عاملة ازاي، عينين ولا عينين زرقاء اليمامة، إحنا جامدين برضو بالذمه مش قمر؟؟ تحسوا أن عنيا الاتنين شمال، مزة مزة ولا فيش لايف أحسن من لايفي يا دودو، وبيشتموا علي وبيقولوا بعمل حاجات اوفر دا انا ملاك يا ناس اللي عندم معزة يربطها"
سما وأحمد الفشاوى
احمد الفيشاوى
كما علقت ايضًا على تعليق الفنانة غادة عبد الرازق في حق الفنان أحمد الفيشاوي بعد تلفظه بلفظ خارج في مهرجان الجونة السينمائي.
وكتبت المصري لغادة عبد الرازق تعليقًا على كلماتها في حق أحمد الفيشاوي لتقول لها: " كلنا فاسدوون لا أستثني أحدًا.. غادة وليلى وهيفا وإلهام ونانسي وسما وأحمد الفيشاوي وأحمد مالك.. إحنا كلنا وسط ميشرفش حد من الآخر وسط ملوث ومتنسيش يا غادة الفيديو بتاعك.. وأنا مش هنسى البيكيني فبلاش تشتمي حد كلنا ملطوطين".
وأضافت سما المصري في تعليقها لغادة عبد الرازق: " لا تنسي يا اخت غادة الفيديو، وأنا كذلك على الناحية الأخري، بِصُورَةِ عامً لم أنسَ صور المايوه والبكيني، فلا تشتمي أحداً، وحياة أحفادك ملكيش دعوة بمصر خالص والنبي خليكي في الفن، الله يسترك ما يفضحك يا شيخة".
سما ونيللى كريم
نيللى كريم
كما هاجمت المصري أيضًا الفنانة نيللي كريم بسبب صورة لها بملابس البحر، لتكتب تعليقا على الأمر معترضة من خلاله على عدم مساواة الجمهور بينها وبين نيللي في حالة لو فعلت مثلها ونشرت صورتها "بالمايوه".
وكتبت سما المصري على صورة "مايوه" نيللي كريم: "بالنسبة لنيللي "حريه شخصيه" بالنسبة لسما المصري "قله ادب وسفاله" متابعة : "طبعا لو سما المصري هي اللي كانت لابسه المايوه ده و منزله صوره ذي دي كان زمان اتعمل عليا حفله دلوقتي واتمسك لها طبله ورق واشتغلت المواقع تقطيع في اللي جابوني من صحفيين ولاد حلال ومواقع ع النت وصفحات من إياها".