من كواليس تحقيقات دولة الأولتراس.. فتش عن قطر (حلقة 2)

تستكمل «صوت الأمة» في هذا التقرير الحلقة الثانية من كواليس تحقيقات دولة الألتراس، والتي ننشر فيها أخطر التفاصيل فى قضية اتهام سيد مشاغب، وآخرين من كابوهات رابطة مشجعي نادي الزمالك، المعروفة إعلاميا ب«الوايتس نايتس» بتكوين الجناح العسكري للأولتراس F 16 والكتيبة 101 عسكرية.
وكشف تحقيقات النيابة مع حسن مجدي سليمان منصور، الشهير ب«حسن كازرولا» أو «جزره»، 19 سنة، بالفرقة الثالثة ثانوي، أن الجناح العسكرى للأولتراس اسمه أف 16، أُسس فى 2010 وكان القائد للجناح هو سيد مشاغب، حيث تمثل دوره فى مواجهة الأمن ومواجهة الأولتراس أهلاوى، وتتضمن أعضاء الجناح العسكرى كل من محمد بليه وشهرته بلية نزهة، وعمر برشامة وكريم برشامة وعبد الله محمود و بن نادى ومروان أزمات.

«جزره» أكد أن الجناح العسكرى للأولتراس دورهم فى 2010 تمثل فى التصدى للأمن، مع حدوث تغير فى الجناح تتضمن شراء سلاح عبارة عن فرد خرطوش سن 12، 16 مم، وبندقية خرطوش انجليزى اسمها شوت جدون بوغ، بالإضافة للشماريخ والمونة والروشتات بس الأسلحة - حسب أقوال جزره-.
وأضاف: «الأسلحة دى مكنوش بيستخدموها فى المواجهات وكان استخدامها بس فى حالة المداهمات الأمنية فى بيوتهم أو فى أماكن تواجدهم قبل القبض عليهم، وبدأ الجناح العسكرى للأولتراس بعد ثورة 25 يناير دوره يبقى بشكل مختلف مكان بعد ما دوره الإشتباك مع الأمن فى حالة المواجهات لفض المظاهرات وتجمعات الأولتراس تبقى دوره رصد بوكسات وعربيات الشرطة اللى واقفه عند الإستادات اللى فيها الماتشات، ويحددوا أماكنها ويولعوا فيها بالملوتوف والشماريخ والبروشتات أو قنابل المونة، واللى كان بيوفر الحاجات دى أحمد صلاح، والفلوس اللى بتموله الوايت نايتس بتيجى من الأعضاء بتوع الوايت نايتس، وهى بتكون 20 جنيه فى الشهر بس الإشتراكات دى واقفة عام 2013 تقريبا، بالإضافة إلى المنتجات اللى بتعملها الوايت نايتس من تيشرتات وكوفيات ومحافظ وتبيعها، فدى برضه بدخل فلوس للوايت نايتس وهى دى الأساس، فهى بدخل فى الست شهور حوالى 75 الف جنيه، يعنى فى السنة 150 الف جنيه».

وتابع: «كان فى بعد الثورة 25 يناير 2011 وفى سنة 2011 كان فى واحد قطرى الجنسية اسمه أبو حذيفة اتواصل مع عضو من النشطاء فى الفترة دى كان اسمه كريم وفيق وهو ساب الأولتراس بقاله 3 سنين وطلب من كريم انه يساعد الأولتراس ويدينا فلوس، وكريم عرض علينا الموضوع ده، وقررنا كمجموعة ناشطين ان احنا نتعامل مع أبو حذيفة، وطلبنا من كريم أنه يتواصل معاه، وأبو حذيفة قاله هينزل القاهرة، وبعد الموضوع ده يشهرين بعت لكريم على الفيس بوك وقاله إنه فى القاهرة، واتفق معاه كريم انه يقابله فى قهوة سهر الليالى بشارع الطيران، وهناك أبو حذيفة فتح معاه انه هيساعد الوايت نايتس بالفلوس، واتفق مع كريم انه هيبعتله 115 الف جنيهاَ فى الشهر على حساب كريم وفيق البنكى فى بنكhsbc أو فى بنكcib ، والفلوس بعد ما كانت بتتحول على حساب كريم كان بيديها لأحمد للدعم المادى فى الأولتراس، والفلوس دى كنا بنستخدمها فى الرحلات بتاعت التشجيع والأعلام واليفط اللى بيتكتب عليها الشعارات».
واستطرد: «فضل التمويل مستمر لحد 2013، ووقف بعد كده بسبب إن أبو حذيفة بدأ يسأل إمتى هتم مواجهة الأمن اعرف، وعرف كريم ان الفلوس اللى بعتها دى علشان شراء سلاح وكان أبو حذيفة شغال فى المكتب الإعلانى لقناة الجزيرة، ولما كريم قال الموضوع ده للناشطين اللى هى الأكتف، وده المصطلح اللى بيتقال عن مجموعة الناشطين أو الأكتف حصلت مشكلة فى الوقت ده وبوجى يوسف لأن يوسف كان رابط برده مع أبو حذيفة وكان فكرة التمويل من الخارج مرفوضة من عدد كبير من الرابطة علشان ميتقلش علينا ممولين من بره علشان نضرب الحكومة».
من جانبه، قال أسامة الجوهرى، محامى الوايت نايتس، أن جزرة مريض فعلاً أو إدعى الجنون بالإتفاق مع جهة أمنية لتوريط مشاغب وزملائه، مؤكداَ أن ما جاء على لسانه فى تحقيقات النيابة عبارة عن أساطير أدلى بها تطوعاَ عن نفسه دون التعدى عليه، وردد قائلا: «هو إضرب بس عشان يقول على مكان سيد، بس قبلها كان حاكي كل التفاصيل الخارقة واللي فوق مستوى فهم البشر».
وأضاف «الجوهرى» فى تصريح ل«صوت الأمة» أن جميع تلك القضايا ملفقة لسيد مشاغب، مشيراَ إلى أن من ضمن هذه القضايا قضايا إغتيال مرتضى منصور وإقتحام نادي الزمالك والقفا وأن تلك القضايا تورط فيها الشبابعن طريق جزرة.
واستطرد: «إنما الأمن ظل يلاحق ويحبس الشباب بناء على هذه الأقوال حتى الآن، فما زال طارق مساكن محبوس في هذه القضية، والمصيبة الأكبر من كده هي إحالة مشاغب وبوجو وعدد آخر للمحكمة العسكرية بناء على أقوال جزرة بأنهم هم من قاموا بحرق استاد القاهرة وقاعة المؤتمرات واستاد الهدف، كلام جزرة عملوا به محضر تحريات جديد خالص، وكتبوا في التحريات دي مغامرات جزرة من غير ما يجيبوا سيرة جزرة وعملوا قضية جديدة بعيد عن القضية 327 وأحالوها للمحكمة العسكرية، يعني الشباب هيتحاكموا عسكري بناء على أقوال شخص قالت عنه الجهات الرسمية إنه مجنون».
موضوعات متعلقة:
باعترافات أحد الكابوهات.. «صوت الأمة» تكشف خطة «دولة الأولتراس» (مستندات)