بالفيديو.. انهيار «الإبراشي» في البكاء حزنًا على أبناء شهداء «مذبحة كرداسة»

لم يستطع الإعلامي وائل الإبراشي تمالك نفسه وبكى على الهواء بعد أن استمع إلى أبناء شهداء مذبحة كرداسة، الذين عبروا عن حزنهم الشديد بعد أن فقدوا آبائهم في تلك المذبحة البشعة، مطالبين الرئيس عبد الفتاح السيسي بتنفيذ حكم الإعدام في مرتكبي تلك الواقعة.
حيث قالت إسراء نجلة أحد أمناء الشرطة الذي قتل على يد الإرهابيين خلال استضافتها ببرنامج" العاشرة مساء" المذاع على شاشة "دريم2"، "أنا كنت عايزة أطلع دكتورة بس بعد اللي حصل لبابا أنا عايزة أشتغل في الشرطة عشان أجيب حق بابا، أنا مبقاش عندي أب كل أصحابي في المدرسة عندهم أب إلا أنا، مبقتش بنادي على بابا ولا بشوفه".
وتابعت، "أنا بحب الرئيس السيسي بس هحبه أكتر لو جاب حق بابا من اللي قتله، وعدمهم قدامنا زي ما هما قتلوا بابا قدام الناس كلها، أنا بابا مسلمش عليا قبل ما ينزل الشغل في اليوم دا مع إنه كل يوم كان بيسلم عليا، أنا عايزة حق بابا".
وفي سياق متصل قالت مريم نجلة أمين شرطة توفي في نفس الواقعة، "أنا كل أصحابي عندهم أب، أنا خلاص مبقتش بعرف أنام كل يوم بعيط قبل ما أنام، عشان بابا مبقاش ييجي يسلم عليا قبل ما أنام، أنا خلاص مش هشوف بابا تاني".
ومن جانبه قال الإبراشي باكيا، "إحنا كدا مش هنعرف نكمل الحلقة، مش هنقدر نتمالك أعصابنا، هنطلع فاصل ونرجع تاني".