أحمد داوود يكشف عن «حلم الطفولة»

اعرب الفنان الشاب أحمد داوود عن اشتياقة لتحقيق حلم طفولته في تعلم العزف على الجيتار بعد سنوات طويلة.
حيث كتب داوود عبر حسابه علي موقع الصور الشهير «الأنستجرام» قائلا «وانا في المدرسة كان نفسي أوي اتعلم جيتار.. بس حظي الوحش وقعني في مدرس مزيكا واضح انه كان بيشتغل الشغلانة غصب عنه.. اول ما شفني قالي جيتار ايه اللي انت عايز تلعبه مينفعش.. قلته ليه حضرتك!! قالي انت صوابعك صغيرة مش هينفع.. انت تلعب ماندولين..».
واضاف «واللي ميعرفش الماندولين هي آلة ولا هي جيتار ولا هي عود هي حاجة كدة شبه لعب الأطفال وعمري ما شفتها في أي حته برة المدرسة.. يعني الشيكولاته أشهر منها بكتيير.. وطبعا اتعقدت منها ومن المدرس ومن أوضة المزيكا كلها انهاردة بدأت أول درس جيتار في حياتي.. والحمد لله المدرس قالي صوابعك حلوة وتنفع.. متحمس جدا ومبسوط بالتجربة».