نشطاء الانترنت يسخرون من تأجيل محاكمة القرن في "تنفيسة" للهروب من الواقع

علق عدد من النشطاء على مواقع التواصل الاجتماعى "فيس بوك" و"تويتر" على حكم المستشار، محمود كامل الرشيدي، رئيس هيئة محاكمة الرئيس المخلوع، محمد حسني مبارك، في القضية المعروفة اعلاميا ب "قضية القرن" ، المتهم فيها الرئيس المخلوع ونجليه ووزير داخليته وعدد من كبار مساعديه بتأجيل النطق بالحكم فى القضية الى جلسة 29 نوفمبر من العام الجارى.
حيث قال احد النشطاء :"سيذكر التاريخ أن مبارك صاحب أهم طلعتين فى التاريخ الحديث .. الطلعة الجوية فى حرب أكتوبر 1973 و الطلعة زى الشعرة من العجين فى محاكمة القرن ".
وأضاف أخر "محاكمة القرن خليتنا كلنا قرون".
وتابع غيره قائلا: "شكلهم سموها محاكمة القرن عشان هتقعد معانا شويتين فى القرن ده".
وقال ناشط: "محاكمة بتنقلها قناة ابو العنين .. وبيعلق عليها أحمد موسى .. وبيحللها مرتضى منصور.. والمذيعة بتتمشى فى بيت القاضى".
وأضاف أخر : " القاضى فى حيثيات تأجليه : أخاف الا اقيم حدود الله, قالها وهو باصص فى الارض".
وسخرت أحدى الناشطات من المحاكمة قائلة : " محاكمة القرن دى زى نادى القرن كده "
ودافع أخر عن مبارك قائلا : " حسنى مبارك كان ضحية من ضحايا المؤامرات القطرصهيونية أخوانية "
وأضاف ناشط : " فضلوا يأجلوا فى اختراع الكفته لحد ما عبعاطى مات واخد السر معاه .. وهيفضلوا يأجلوا فى محاكمة القرن لحد ما مبارك يموت وياخد القضية معاه "
وقال أخر : " محاكمة القرن مسرحية بنكملها ,, مكشوفة من أولها ,, بلد تموت تغور بس يعيش اللى بيقتلها "
وتابع أخر قائلا : " دا حرام ياخد اعدام واحد .. ده ياخد على كل سنة اعدام ..يعنى 30 اعدام "
وأضاف ناشط : " كمل لحلقة باستئناف الحكم الصادر .. مبارك خد براءة مين ساعتها هيقول باطل "
وأضافت ناشطة : " تقريبا القاضى فاهم انه طالما اسمها محاكمة القرن يبقى لازم تاخد 100 سنة "
وأضافت ناشطة قائلة : " القاضى : حسنى مبارك وحبيب العادلى .. براءة، حسنى : ايه ده برائة كده على طول طب ابحث فاوراق وكده عشان ميقلوش اننا مكوسنها".
وقالت أخرى : "محمود كامل كل ما يتزنق يأجل"
وتسأل ناشط قائلا : " لسه موصلناش لليفل الاخير؟"
وقال أخر : " محاكمة القرن أصبحت فيلم ابيض و اسود بالنسبة لتاريخ هذا الشعب "
و تابع أخر : " رؤية مبارك فى قفص و الحكم عليه سواء بالبراءة و الاعدام زى الفرجة على فيلم قديم فى روتانا كلاسيك لا هيقدم ولا يأخر "
وقالت ناشطة : " خليك صامد يا معلم مبارك زى صدام , قالوله اعدام قال يلا لقدام "
وقال ناشط : "مبارك مش هيحضر جلسة النطق بالحكم الجاية لاستشعاره الملل "
وقال أخر : " القاضى كتب 70 % من اسباب الحكم فى 44 يوم ومحتاج 60 يوم عشان يكتب ال 30 % الفاضليين .. استمروا استمروا "
كما قال ناشط : " بالنسبة للفيلم الوثائقى اللى شغال ده ممكن يتذاع على ناشيونال جيوغرافيك ابو ظبى أحسن "
و تابع أخر : " احكموا على مبارك ب 5 سنين فات منهم 4 وكل سنة وانتو طيبين "
وقال أخر : " مرسي حكم سنة وبيتحاكم فى سنة , مبارك حكم 30 سنة وشاكلوا هيتحاكم فى 30 سنة فعلا "
وقال ناشط : " أجل جلستى لما القيامة تقوم "
وأضاف أخر : " عارفين الولد اللى طول عمره وهو صغير يأجل الحاجات اللى وراه .. ده لما كبر بقي القاضي بتاع قضية مبارك "