«التيشرت».. البس رسالتك

في تجربة مختلفة للخروج عن المألوف من أجل توصيل "رسالة"؛ عن "الأمل والتغيير والحياة"، خط هؤلاء الشباب رسالتهم على "تيشرتات"، لتحمل أفكارهم. وبصناعة مصرية مائة بالمائة، بدأوا أصحاب مشاريع «خطوة » و»دي زاين يور تيشرت Design your T-Shirt »، و«أرابيسك Arabesque»، محاولاتهم لإيصال رسالة، ليبدأ خط الإنتاج من عندهم وينتهى ب"تيشرت" يرتديه شخص آخر.
Arabesque
يقول عمر الكراكيري مؤسس مشروع Arabesque ، إن فكرة صناعة التيشرتات التي تحمل رسائل كانت لديه منذ 2010، لكن ارتفاع تكلفة المشروع أخره في التنفيذ، وتم تنفيذ المشروع 2013 بالتعاون صديقه، وكانت الفكرة الأساسية لتنفيذ مشروعه، توصيل رسالة للناس من خلال استخدام جمل مكتوبة باللغة العربية ويتم البيع من موقع Souq.com، وقال عمر "قررنا نعمل تصميمات لجمل باللغة العربية وأهم حاجة أن كل تصميم يوصل رسالة بجد، لأن أغلب الناس بتلبس تيشرتات مكتوب عليها جمل بلغات أجنبية، وبيكون مكتوب عليها جمل مش مفهومة، وعشان كده اختارنا أن اسمنا يكون Arabesque ، لأن كلمة أرابيسك بتعني الفن العربي، وتاني هدف إننا نشجع الصناعة المصرية، وبالتالي إحنا بنعتمد على قطن مصري 100 في 100 ".
بلاش كلام في السياسة
وعن الشعارات التي تطبع على التيشرتات، قال عمر " أول تصميمين كانوا عن التبسم والأمل، فنفذنا (تبسمك في وجه أخيك صدقة) و(أمل الأمة أصحاب الهمة)، وقررنا إننا هنبعد عن السياسة عشان ملوش لازمة أنها تدخل في الشغل، إحنا عايزين نوصل للناس كلها أيا كان توجهها، السياسة خط أحمر وملناش دعوة بيها".
ومحمود مصطفى شريك عمر، قال إن الفكرة عجبته في البداية، خاصة أنه مقتنع بأن كل إنسان لازم يكون عنده مشروعه الخاص، وقال " نفسي نقدر نصدر لخارج مصر، وإننا يكون عندنا مقر يخصنا، الناس تقدر توصلنا من خلاله".
صفحة الفريق بالفيس بوك:
https://www.facebook.com/Arabesque.Clothing
خطوة
أما باهي الكاشف صاحب مشروع «خطوة»، فقال "أنا بدأت المشروع أنا و3 من صحابي في 2008، وهدفنا كان إننا نعمل تيشرتات نوصل بها أفكارنا وهويتنا، لأن الناس بتلبس تيشرتات مكتوب عليها جمل مش مفهومة ومش بتعبر عننا، وكانت أول رسالة ( Your T-shirt is your message (، وبدأنا نعمل تصميمات باللغة العربية والإنجليزية عن الحماس والإيجابية فعملنا تصميمات زي (Be more active ) و( فكر في فكرة)، وبعد كده قررنا نوقف الشعارات اللي بالإنجليزي ونركز بس على العربي عشان نقدر نوصل رسائل بتعبر عن هويتنا".
( أصلي مش فوتوشوب) كان أبرز شعار ل"خطوة" بعد الثورة في 2011، وقال باهي "الشعارات بنختارها حسب الأحداث الجارية، وباقي الشعارات بتقبقى من قصائد شعر، من الجرافيتي اللي في الشوراع، من الأغاني، وقررنا نبعد عن السياسة، لا هنكتب شعارات عن رابعة ولا الجيش، إحنا بنعبر عن الناس كلها ".
لينك الموقع الخاص بالفريق: http://khotwh.com/store
Design your T-Shirt
"إحنا بدأنا من سنتين، أنا وواحد صحبي، وبنختار الشعارات بتاعتنا حسب الحالة العامة، وأول ما بدأنا كنا بنبيع لأصحابنا وبس، لحد ما بدأنا نتواصل مع الناس من خلال الفيس بوك"، تلك كلمات إيهاب ممدوح صاحب مشروع (Design your T-Shirt ( ، بعد تأكيده أن مشروعهم هدفه بالأساس تشجيع المنتج المصري، وتوصيل رسائل إيجابية للناس.
وعن أكتر الشعارات التي حققت نسبة بيع كبيرة، قال إيهاب "الأشكال بتاعت الفيس بوك ( Emotions)" .
لينك الفريق بالفيس بوك:
https://www.facebook.com/pages/Design-Your-T-shirt/135848676492968