ميدو لأمين عمر: تقتنع بركلة الجزاء أو لا.. «مش عريس لبنتك»

‏شن أحمد حسام «ميدو» لاعب الزمالك السابق، هجومًا حادًا على الحكم الدولي أمين عمر، عقب إدارته مباراة الفريق الأبيض والمقاولون العرب، والتي انتهت بالتعادل الإيجابي بهدف لمثله.
وشهدت مباراة الفريق الأبيض أمام المقاولون العرب حالة تحكيمية جدلية، حيث رفض حكم المباراة أمين عمر احتساب ركلة جزاء لصالح الزمالك، بعد الرجوع لتقنية حكم الفيديو المساعد «VAR»
وقال ميدو في تصريحات تليفزيونية: «أمين عمر ليس أمينا على إدارة المباراة، الراجل ده نيته وهو رايح لتقنية الفيديو إن مهما حصل مش هيحسبها ركلة جزاء».
وأضاف: «أمين عمر كان بيألف قانون من عنده عشان ميحسبش ضربة جزاء للزمالك، وحوار تقنية الفيديو فاضح لنوايا الحكم».
وأكمل ميدو: «اشمعنا الزمالك؟ ليه الزمالك؟.. في حكام ‏بتروح ماتشات عشان متساعدش الزمالك، أنا مبقولش كده عشان أنا زملكاوي».
وتابع: «مش مقتنع إن يكون في ضربة جزاء دي يا أمين، لما أكون جايب عريس لبنتك وأنت مش مقتنع بيه».
وأتم: «مش مقتنع دي عشان مش عايز تحسب حاجة لفريق معين، ولازم يبقى في حساب للحكام، ولو ما اتحاسبتوش دلوقتي هتتحاسبوا يوم القيامة».