درع الإبداع الماسي يثير أزمة بين زوجة الملحن محمد رحيم والشاعر أيمن بهجت قمر

أثار درع الإبداع الماسي، الذي حصل عليه الملحن محمد رحيم من قبل جمعية المؤلفين والملحنين الدولية الSacem مؤخرا، أزمة بين زوجة الملحن أنوسة كوته والشاعر الغنائي أيمن بهجت قمر.
الحكاية بدأت، حينما قام أحد أصدقاء الملحن محمد رحيم، ويدعو (حمادة البيلي) بتهنئته، بعد أن حصل على شهادة الاحتراف الدولية الماسية.
وقال حمادة عبر فيسبوك: "يا ريت كل اللي عندي يبارك النهارده، للملحن المصري العربي العالمي محمد رحيم، اللي استطاع إنه يحقق إنجاز لمصر محدش قدر يعمله غيره منذ بداية التاريخ الموسيقي في مصر لحد الآن وهو حصوله على شهادة الاحتراف الدولية الماسية، أو بمعنى أصح درع الإبداع الماسي العالمي، ودي تعادل جايزة الأوسكار بس في الموسيقى وكما هي العادة تجاهل تام من الدولة والمؤسسات، ألف مليار مبروك لصديقي الخلوق الموهوب محمد رحيم".
من جانبه علق الشاعر أيمن بهجت قمر، موضحا أن رحيم ليس الوحيد الذي حصد ذلك التكريم وقال عبر التعليقات على المنشور: "مبروك لرحيم بس أنا ووليد سعد وعمرو مصطفى تم تكريمنا ودعوتنا برضه في نفس الحفل أنا بوضح عشان ده حقنا".
وتابع: "وعلى فكرة الموضوع طبعا تكريم بس مش بالصورة دي، وأنا اعتذرت عن الحضور".
وتابع أيمن في تعليق آخر: "الموضوع كله عبارة عن إننا بقينا بدل ما كنا أعضاء بروفيشنال، بقينا أعضاء دائمين، وده شئ يشكروا عليه، ولمجموعة كبيرة ومنهم مروان خوري كمان، وأنا والزملا اللي ذكرت بعضهم، والحفل بسيط مش جائزة عالمية والحضور على حسابنا كمان عشان كده كبرت".
فعلقت مدربة الأسود أنوسة كوتة زوجة محمد رحيم على حديث أيمن بهجت قمر، وقالت عبر التعليقات: "لا حول ولا قوة إلا بالله.. أنا مش عارفة أنت زعلان قوي كده ليه من رحيم، مع العلم كل ما بتيجي سيرتك بلاقيه بيشكر فيك جدا".
فرد عليها أيمن: "خالص والله حضرتك فاهماني غلط بس حضرتك اقرأي صيغة الخبر فيه إجحاف لحقنا مع كامل الاحترام لحضرتك ولرحيم اعتقد إن الموقف لو بالعكس حضرتك هتدافعي عن حق محمد والبوست بيصدر إن ده إنجاز تاريخي وحيد ودي مش حقيقة، كامل حبي واحترامي وتقديري لحضرتك ولرحيم والله ده حقنا الطبيعي".
فعلقت أنوسة مرة أخرى: "معلش هو إجحاف في إيه، أولا حمادة بيكتب كلمتين شكر لصديقه وهو مش جهة صحفية عشان حضرتك تزعل قوي كده منه ولو حضرتك عايز تزعل، ممكن إيميل للساسيم وتطلب منهم ينزلوا صوركوا في المجلة بتاعتهم عشان نعرف (كجمهور) إن حضرتكم معاكوا نفس الجائزة زي ما بيعملوا مع رحيم على طول، وثانيا وفيها إيه لما مبدع مصري زي رحيم وحضرتك وعمرو مصطفي وأسماء تانية تحصل على نفس التكريم من نفس المؤسسة مع اختلاف الدرجات إن حضرتكوا ذهبية ورحيم ماسية ولتاني مرة في عمره الفني، مش ده بدل ما ملحن هندي ياخدها بدالكوا؟ وبرضو بكرر احترامي وتقديري لحضرتك".
لينهي أيمن بهجت قمر الحديث قائلا: "بعتذر لحضرتك لو كلامي ضايقك بس حضرتك مش واصل لك وجهة نظري عموما الموضوع مش شخصي وحضرتك ليكي مني كل تقدير واحترام".