منة فضالي: واحدة قالتلي طليقك عملك عمل على سمكة واتفك لما السمكة ماتت

كشفت الفنانة منة فضالي، حقيقة تعرضها للسحر، على يد إحدى الفنانات، وذلك من خلال سمكة، وبالإضافة إلى تفاصيل القبض على مساعدتها بعد سرقتها لمجوهرات الفنانة دينا الشربيني.
وقالت خلال لقائها ببرنامج "Vip" عبر شاشة "هي": ده طليقي مش فنانة، واحدة قالتلي طليقك كان طلب مني أعملك عمل وأرميهولك في البحر، والعمل ده اتفك لما السمكة ماتت، بس ده طبعا كلام هبل مفيش حاجة اسمها كدا.
وتطرقت منة فضالي في حديثها إلى أزمة خلافها مع الفنانة دينا الشربيني بسبب مساعدتها، وقالت: محصلش ومتخانقتش مع دينا الشربيني، اللي حصل إن المساعدة اختفت يومين وأختها اللي كانت معايا في اللوكيشن ومنعرفش عنها حاجة واضطريت أنزل البوست على فيس بوك عندي،، لحد ما بنتها كلمتني وقالتلي لقينا ماما محبوسة، وكلمت دينا الشربيني، وقالتلي أنها في دبي ولكن لما تنزل هتطلعها وتتنازل عن المحضر.
واستكملت منة فضالي: وفعلا دينا الشربيني نزلت واتنازلت عن المحضر وطلعوها، ومعرفش هي سرقت ولا لا لأن ممكن يكون حد حابب يوقع بينها وبين دينا، وأصلا مش دينا اللي مبلغة عنها دي بلغت على أن مجوهراتها اتسرقت ولكن حد بلغ أنها المساعدة، لكن مافيش بيني وبين دينا أي خلافات.
برنامج "vip" يعرض على شاشة "هي" يوميًا في شهر رمضان في تمام الساعة 11 مساءً، كما يعاد عرضه في اليوم الثاني في تمام الساعة 3 صباحًا، والساعة 10 صباحًا.