فيديو.. ياسمين عز مهنئة شيرين عبدالوهاب: لولا الملامة كنت جيت عاملة تسريحة أم العروسة

هنأت الإعلامية ياسمين عز، الفنانة شيرين عبدالوهاب، على عودتها مرة أخرى إلى زوجها حسام حبيب، قائلة: «لولا الملامة كنت جيت عاملة تسريحة أم العروسة، لكن مكنش في وقت، جيت لابسة أبيض احتفالا بهذا اليوم السعيد بالنسبة لي».
وتوجهت خلال تقديمها لبرنامج «كلام الناس»، المذاع عبر فضائية «MBC مصر»، مساء السبت، برسالة للسيدات، قائلة: «خلي بالك من حجوزك وراجلك، لو الراجل يستحق إديله عنيكي، وأدعي لك بحد يتمسك بيكي زي ما شيرين متمسكة بحسام».
وتابعت: «معانا فلوس وبناكل أحسن أكل ونلبس أحسن لبس وواخدين حرية وكل حاجة، المرأة خدت كل حاجة، لكن هل ده يكفي ويسد وجود الراجل؟؟ أبدًا.. تفضلي لوحدك زي النخلة والشجرة، كلهم يتجوزوا من حواليكي وأنتي قاعدة لوحدك، الراجل يعني الحياة والباقي شوية مكملات».
وأشارت إلى أنها ثابتة على مبدأها بالنسبة لهذا الكلام، ورفضت التعليق على قضية شيرين منذ بدئها، مضيفة: «شيرين في مكانة اجتماعية، عندها قبول وكاريزما وحب الناس وملايين وبيوت وسفرات وصديقات والدنيا كلها معاها، ومشاهير الدنيا أصحابها، كل ده لكن قالت: (راجلي، أيًا كان رأيك في راجلي أنا بحبه)».
واستطردت: «لو لوحدها في البيت في عز الشتاء أو أيام صعبة وخافت وحد خبط عليها، هتقومي من جنب جوزك تروحي لشيرين وتدافعي عنها؟ خلي جوزها يدافع عنها، أنا واحد وأنتم صفر، أنا كسبت عشان مع الأصول، الدرس اتنفذ عملي بالكلمات يا ولاد».
واختتمت: «الحمد لله أحب أكون بنت أصول، أتكلم الكلام اللي يوصل للصغير قبل الكبير، أحب أتكلم اللي قاعد في آخر الدنيا يفهمني، الفئة العريضة من ستات البيوت بوجه لها كلامي، لكن لو قاعدة بتشربي القهوة وحياتك مرتاحة وعارفة بتعملي إيه في حياتك، مش محتاجاني آجي أنظّر عليكي، ربنا يسعدك».
وأعلنت شيرين في ساعة متأخرة من مساء الجمعة، عودتها للفنان حسام حبيب، مشيرة إلى أنها تحبه، ولن تتطرق لخلافاتهما الشخصية مرة أخرى على الملأ.