قال الفنان محمد التاجي، إنه كان يحب التمثيل أمام الراحل نور الشريف، لذلك فهو الممثل الوحيد الذي يفتقد العمل معه حاليا. وأضاف محمد التاجي خلال برنامج «الستات»، الذي تقدمه الإعلاميتان سهير جودة ومفيدة شيحة، قائلا: «قعدت من سنة 97 الى 2010 مشتغلتش مع نور، وهو كان في الوقت ده بيعمل مسلسل الدالي 3، وبعتله رسالة قولتله واحشني الوقوف قدامك». وتابع محمد التاجي: «وقتها نور الشريف اتصل بيا قالي في ايه، قولتله أنا عندي شغل كتير بس بقالنا 13 سنة ممثلناش مع بعض، عايز اتدلع وانا بمثل، نور الشريف بيدلع الممثل اللي قدامه». وأشار: «نور الشريف كان حاجة تانية، في وقت التصوير يقولك خد نورك، يلاقيك عرقت يمسحلك عرقك بأيده، بيروح يظبط الاكسسوارات بنفسه».