عمرو أديب: الأهلي لو كمل كدة هنفضل في المركز التاني

أشاد الإعلامي عمرو أديب، بأداء فريق النادي الأهلي، بعد تولي السويسري رينيه فايلر، مهمة تدريب الفريق.
وكتب عبر حسابه الرسمي على موقع التواصل الاجتماعي «تويتر»، صباح الأحد، «هو مدرب الأهلي ده مش ممكن نبعتلوا جاميكا، أو نحاول نقنعه يرجع يقعد جنب أهله؛ لأن العيلة أهم من الفلوس والكورة وكدة».
وأضاف أديب المعروف بانتمائه لنادي الزمالك، «الأهلي حد تاني، ولو كمل كدة مش هناخد الدوري تاني، وحنفضل في المركز التاني»، على حد قوله.
وحقق فريق النادي الأهلي، أمس السبت، فوزًا ثمينًا على فريق أسوان، بخمسة أهداف مقابل هدف واحد فقط، ضمن مباريات الجولة الثالثة من الدوري المصري.
هو مدرب الاهلى ده مش ممكن نبعتلوا جاميكا او نحاول نقنعه يرجع يقعد جنب اهله لان العيله اهم من الفلوس والكوره وكده . الاهلى حد تانى ولو كمل كده مش حناخد الدوري تانى وحنفضل في المركز التانى
— Amr Adib (@Amradib) October 6, 2019