بعد تداول صور ضحايا محطة مصر.. عمرو أديب: «ده جنان السوشيال ميديا»

علق الإعلامي عمرو أديب، على الحالة التي تعرض لها ضحايا حادث محطة مصر، من اشتعال النار في أجسادهم، قائلًا: «الحرق غير أي حاجة تانية، وربنا ما يوعد حد».
وأضاف خلال تقديمه برنامج «الحكاية»، المذاع عبر فضائية «إم بي سي مصر»، مساء أمس الجمعة: «أنا عايز أقول نقد لينا كلنا، أنا عمري ما شفت حد رافع صور لناس بتولع، والعالم كله بيبقى عنده ضحايا كل يوم»، مشيرًا إلى تداول صور ضحايا الحادث بكثرة.
وتابع: «الناس بيبعتوها لبعض وبعدين يقولك يا حرام، حرمت عليك عيشتك، دول بشر المفروض الصور دي لا يتم تداولها، واللي واقف بيعمل سيلفي في المحطة، ده جنان حصل للناس من السوشيال ميديا».
وأوضح أن تداول مثل هذه الصور يعتبر ممنوعًا في بلدان العالم، مضيفًا: «أنتوا جرالكم إيه يا جماعة؟ فين حرمة الإنسان والمصاب والمتوفى؟ عشان يقولك شفت اللي حصل، أنا أتحدث عن مبادئ وقيم يا مسلمين يا مسيحيين يا متدينيين، والدولة قدمت كل ما تستطيع تقديمه».
وشهدت محطة سكك حديد مصر، صباح الأربعاء الماضي، حريقًا في أحد الجرارات إثر اصطدامه بالحاجز الخرساني، ما أسفر عن سقوط 22 قتيلًا و41 مصابًا.