عمرو أديب عن رامي مالك: «هفضل أقول من أصول مصرية ورفع راسنا»

علق الإعلامي عمرو أديب، على منتقدي حديثه عن الممثل الأمريكي من أصل مصري رامي مالك، بعد حصوله على جائزة أفضل ممثل عن دوره في فيلم «Bohemian Rhapsody»، خلال حفل توزيع جوائز جولدن جلوب في دورته ال76.
وقال في برنامجه «الحكاية»، المذاع عبر فضائية «mbcمصر»، مساء الاثنين، «الناس زعلانة عشان بقول من أصول مصرية، أنا بتمحك فيه، وهفضل أقول كده، فرحان لمصر أنتوا مالكم، ده زي رموز مصر اللي رفعوا راسنا، زي نجيب محفوظ، وأحمد زويل ومحمد صلاح».
وأوضح أن الفنان العالمي الراحل عمر الشريف كُرم بنفس الجائزة منذ 53 عامًا، معقبًا: «اللي بياخد الجولدن جلوب بياخد الأوسكار».
وأشار إلى أن رامي مالك كان يعمل في بيع المأكولات قبل الفن، وأن والده كان يصر أن يدرس الحقوق ليصبح محاميًا، متابعًا: «المدرسين لاحظوا تفوقه في المسرح المدرسي، وبدأ يشتغل على نفسه لحد ما وصل وعمل دور رائع يستحق التكريم عليه، الراجل ده تعب عشان يوصل».