استمتع بمكان من زمن فات

بوابة شموس نيوز – خاص
معظمنا اتمنى أنه يلاقى مكان مختلف له خصوصية … يقعد فيه ويستمتع مع أصدقاءه أو حتى لوحده .. فيه كل اللى تحتاجه .. موسيقى .. أغانى .. انترنت .. تشرب الله انت عايزه
بيت قديم فى منطقة حيويه وسط البلد بالمعنى الحرفى ومش هتكلفك أكتر من 5 جنية ( ده حتى ممكن ميكنش تمن الانترنت اللى هتستخدمه )
أيه رأيك لما تقعدوا فى بيت من بيوت زمان اللى السقف بتاعها عالى ده
وتقعد تاخد الشاى بتاعك فى البلكونة على أشهر شارع من شوارع مصر وتشغل أغنية لأم كلثوم ولا فيروز كدة ???? ????
أهو المكان ده لما أتبعتلنا أتشجعنا جدا أننا نروح ونشوفه لانها من الحاجات الجديدة اللى بتعدى علينا .. مكدبناش خبر ورحنا أستكشفنا فورا .. مكان تعمل فوتوسيشن وتستمتع بالديكور المختلف والالوان المبهجه فيه????
المكان كبير جدا زى ما قلنا البيوت القديمة اللى كلها خير دى اللى كان عدد الاوض فيها من غير حساب يعنى هنا حوالى 9 اوض ..
العمارة من أول ما تدخلها أساسا حاله لوحدها البيوت القديمة أم منور كبير ( مدخل البيت هتلاقيه قديم وهتحس انك دخلت فيلم ابيض واسود بتوع زمان ????ودى حاجه مؤقته لأن فى تجديد)
هتطلع الدور التانى بعد الأرضى الشقه اللى ع يمين السلم وخش بقى وأفصل خالص عن الدنيا اللى بره دى
تسجل بيانتك اول ما تدخل وخلاص كدة المكان كله بتاعك .. يعنى المكان اللى يعجبك تقعد فيه
يعنى أول حاجه هتقابلك المرايا اللى تقف قدامهم تحسسك أن أنت فنان ولازم تتصور .. ستنظر لنفسك وتشعر انك صاحب المكان ..???? ????
يعنى اول حاجة هتلاقى الريسبشن الكبير اللى فى بلكونات وده اللى ممكن تقعد فيه تاخد مشروبك ( اللى بالمناسبة أنت اللى بتقوم تعمله بنفسك لأنهم فعلا عاوزين يوصلولك أنك فى مكانك فعلا ) وهما بيوفرو لك سماعات تشغل اللى انت عاوزه عليها ( بس طبعا حاجات تناسب هدوء المكان )
بعد كده تقابلك اوضه من احلى الاوض الموجوده وهى القعدات العربى وهى أوضه مريحه ومحبوبه كده والدليل لما سألناهم قالولنا ان دى أكتر اوضه الناس بتروح تقعد فيها
البنات بقى ليهم أوضه مخصوصه بيهم كل حاجه فيها بينك ولبنى ومراية برده ( علشان عارفين مهمه بالنسبة لهم أزاى) تقعدوا بقى وتتكلموا فيها
عندهم أوضه مخصوصه كمان للى عاوز يطلع مواهبه الموسيقية
واوضه تانيه اسمها جاليرى منشن بيتعرض فيها منتجات يديوية هما اللى بيعملوها بأيديهم وتيشيرتات بطباعتهم وحاجات حلوة اوى اوى
فعلا مكان مش هتحس فيه بأى ملل لان كل اوضه ليها طابع مختلف تماما عن التانية وكل ما تزهق هتقعد فى مكان تانى
الساعه ب 5 جنية وبحد أقصى لو قعدت اليوم بطولة حتى مش هتدفع أكتر من 20 جنية
‎العنوان :- 41 -أ اول شبرا من ناحيه رمسيس امام مطعم كناري بجوار العيسوى 5 دقايق من محطة مترو رمسيس او مسره
‎واتس اب وموبايل ???? :- 01033989311