المشهد القطري الخليجي

عاوزك تركزمعايا كده وتصحصح وتقوم تطش وشك بشوية ميه عشان تفهم الكلمتين اللي جايين. وبرجاء أصحاب الأجندات ومريدي الخرفان ومحبي موزة وقشرتها وووساختها يهمدوا علي جنب عشان ما أفطرش عليهم.
اللي بيحصل في قطر مش وليد لحظة ولا الدول هبت عليها الصبح تقاطعها وتعزلها كده لله في لله ، لا خالص .. الموضوع ببساطة إن قطر تمثل الخطر الإيراني على الخليج العربي ، بخلاف ثبوت تورطها في تمويل الأرهاب العالمي وليس الأقليمي فقط.
موقف الدول العربية والأسلامية من فرض سياسة العزلة غرضا في وضع قطر في موقف لا تحسد عليه ، الا وهو وجود إختيار واحد فقط وهو التعاون المشترك العلني مع إيران لمواجهة العزلة الإقليمية سياسيا وإقتصايا. واحد يسألني ويقولي طب ما ده معروف ايه الجديد ؟.
لا الجديد إن ده كان بيتم في الحجرات المغلقة ، دلوقتي هيبقى أون بابلك وساعتها هيكون من حق المجتمع الدولي يعيد حساباته في سياستة مع قطر خاصة إنها ستكون في علاقات مفتوحة مع إيران وتبقى حجة قوية للإدارة الأمريكية في سحب تدريجي للقوات الأمريكية بقاعدة العديد بقطر (تم سحب 4000 جندي بالفعل بحجة قضاء أجازات)، وهذا قرار لابد منالوقوف أمامه لمخالفتة سياسة التجنيد بالجيش الأمريكي وخاصة إن أعياد الرابع من يوليو لسه بدري عليها وده تفسير مبهم من الأدارة الأمريكية ، هو أنتوا كنتوا فاكرين ترامب رقص ببلاش لا ده كان منشكح أووي عشان إتفاق نقل القواعد الأمريكية للسعودية ، التي تمثل مركزا قويا لضرب إيران وسوريا وهتكون كمان حليف قوي في حالة إغلاق القواعد الأمريكية في تركيا مستقبلا.
نظرية ليه اقعد في الطرف لما ممكن اربع في المركزية الوسطية.
تميم عشان هو غبي وابن موزة لبس الفخ ، واترمى في حضن إيران اكثر وأكثر والزيارات السرية بين وزير الخارجية القطري ومسئول القوات الإيرانية الثورية سواء في طهران أو قطر إتصور صوت وصورة قبل القمة الإسلامية الأمريكية (شامم ريحة المجهولة)، وخد عندك تيمو اتفضح ولا اكنه اتمسك في شقة مفروشة أمام الدول الخليجية والعربية والأسلامية والأكثر أهمية أمام ماما أمريكا.
يبقى ثبت للعالم إن قطر ممول أساسي للإرهاب وممثل للخطر الإيراني المنبوذ دوليا وكمان خطر داهم على دول الخليج في المد الشيعي والذي يمثل هوسهوس الخليج حاليا.
اللي حصل أول أمبارح كان مترتب صح وداخل في تنفيذه أجهزة مخابراتية وخبراء إقتصاد ومحلليل للسياسة الدولية وشركات كبري للنقل الجوي والبري ورجال أعمال ورجال دولة وسياسيين وشخصيات عامة ولجان إليكترونية موجهة وأهم شيئ هو الإجماع الدولي على الموقف. وإمبارح التصريحات الأمريكية تدل على إنها بتدرس الموقف كامل للخروج بقرار صارم تجاه الدويلة المريضة.
المجتمع الدولي أخيرا أيقن بعد عمل شوية تحاليل وأشعة انه مصاب بمرض سرطاني خبيث اسمه الحكم القطري، وكان لازم من البدء في عملية البتر للجزء المصاب مع البدء في جلسات العلاج الكيماوي والأشعاعي للسيطرة والحد من إنتشار هذا المرض.
وأخيرا في ظل كل هذه الأحداث لا يذهب عن بالي صورة الثعلب الجنرال عمر سليمان..
الله يرحمك لو كنت مت وربنا يكرمك ويديك الصحة وتخطط كمان وكمان لو كنت عايش.