ثنائية مابين المُهرة ....والخيّال

الشاعرة ليلى فودة
الخيال :
حكايتك أيه ياروح الروح
معايا ياروحي فين مابروح
وفلبي لما دق ومال
خطف قلبك وقال دا حلال
دا رمشك رفة الموال
وقلبك حكيّه كله دلال
ومين قدك ياشاغله البال
ياروحي أنتِ مالكشي مثال
المُهره :
ياروحي ياواحة الموال
يارنة عود ياصوت كروان
ومين للمُهره دي خيال
غير الفارس طويل البال
يقول عني متين موال
واقوله كمان يقول دا دلال
ومين يحلاله دلالي قال
دانا مهره ماليشي مثال
عيوني قمره فى ليل سيال
وشعري للهوى مرسال
ومين يحلاله دلالي قال
دانا غنوه فى ميت موال
وانا اللي عمري ماروح م البال
أصولي كلها آصال
أصيله والأصول أجيال
وحظي فى السما مكتوب
وم المكتوب مافيش مهروب
وإن كان النصيب مكتوب
فحظك فى السما ياخيال
الخيال :
يامهره ياحته من قلبي
ياساكنه الروح
وامتى الروح تكون جنبي
دا من غيرك
روحي تروح ...وإيه ذنبي
غير إني عاشقك ياعمري
عيونك ساكنه موالي
وحبك هو راسمالي
وإنتِ حياتي ومماتي
يامالكه القلب ومنوره النني
المهره :
حبيبي ياروح بتملكني
وفيها بادوب واروح مني
دا قلبي دقته عندك
وقلبك دقته عندي
وروحي تروح وتوصلك
دا مهما بعدت ياقلبي
هاكون فى حماك واكون ضلك
ومهما العقل عنفني
وكان لومه بيألمني
هكون عقلك ....واكون قلبك
ولك روحي
وهى أغلى شيئ عندي
ليلى فوده