انطلاق الحمله الثالثه لتوعيه الاهالى والشباب والبنات لتسهيل اجراءات الزواج

انتو عارفين ايه أهم أسباب العنوسة وعزوف الشباب عن الزواج وارتفاع نسبه العلاقات الغير شرعيه ؟؟وما يترتب عليه من ظاهرة أبناء الشوارع وأطفال الملاجئ
بالطبع هناك أسباب اقتصاديه وعجز فى التنميه فى المجال الاقتصادى والسياسى والادارى والاجتماعى (التعليم _الصحه _الاسكان ) ,ونقص فى القيم والمبادئ وعدم الاتزام بالشريعه الاسلاميه
لاكن هناك ايضا اسباب رئيسيه ومهمه جدا انا وانت وانتى وكلنا السبب فيها عارفين ايه هى ؟؟؟
اولا مشكله السكن :
زمان كان اغلب الجوازات العروسه بتتجوز فى بيت اهل جوزها لما بيكون الاهل مرحبين وفيه مساحه البيت كبير .. وظروف العريس ماتسمحش انه يجيب شقه لانه بيبتدى حياته لحد ما يكون قادر يجيب شقه بينعزل وماكنش كل اهالى العروسه بيرفضه الموضوع ده زى دلوقتى بالعكس كان عادى وطبيعى....
هانقول الجوانب الايجابيه والسلبيه من الزواج فى بيت اهل الزوج
الجوانب الايجابيه :
اولا :تقويه العلاقات الاسريه
ثانيه :توفير الفلوس للمشاريع وتحسين الدخل وعدم تعجيز الزواج وتعطيله
ثالثا :الاستفاده من خبرات الاهل وكبار السن فى بناء حياه جديده
رابعا :هايبقى فيه مساعدات ماديه من الاهل مستمره
خامسا: فيه الى هايساعدك فى تربيه الاطفال وهايبقى ليكى عزوه واهل معاكى طول الوقت
اوعى تقولى انا ند لحماتى لو قالت كلمه ارد بعشره دى زى امك تمام وامك يامه قسيت عليكى عشان تعلمك وعشان انتى متربيه ماكنتيش ند لامك ومابترديش عليها واتعلمتى منها ,,صحيح حماتك مش هاتحبك زى امك بس بتحب ابنها وحبها لابنها هايخليها تحبك لو شفتك زوجه صالحه فعلا وبنت مؤدبه ومتربيه ومطيعه لزوجك
وقال رَسُولَ اللَّهِ صَلَّى اللَّهُ عَلَيْهِ وَسَلَّمَ ( إذا صلت المرأة خمسها وصامت شهرها وحصنت فرجها وأطاعت زوجها قيل لها أدخلي الجنة من أي ابواب الجنة شئت
الا لو اهل جوزك هما الى مش كويسين
يبقى زى ما مطلوب منك تختارى زوج صالح اختارى اهل صالحين وتاكدى مافيش زوج صالح بجد اهله فاسدين لان ده البيت الى ربى والاهل الى علموه كل شئ فى الحياه
السلبيات من الزواج فى بيت الزوج :
اولا :كثره المشاكل الى سببها اختيار زوج لو زوجه واهل زوج غير سليم
ثانيا :ان الزوجه بتحط نفسها ند لام الزوج اكانها اختها
ثالثا :عدم اجتهاد الزوجه فى انها تكون فعلا زوجه صالحه
او عدم اجتهاد الزوج فى انه يكون زوج صالح
رابعا: سماح الزوج او الزوجه فى تدخل الاهل فى امور شخصيه بينهم
خامسا : حب التقليد
اتجوز فى بيت اهله ليه لما بنت خالى جالها شقه لوحدها
انتى ممكن تكونى اسعد من بنت خالك لو زوجك صالح واهله صالحين
وهى ممكن اهل زوجها يكونو بعيد بس وحشين ماتسلمش من ازاهم او زوجها نفسه يكون مفترى مافيش قاعده لشئ الظروف تختلف عن بعضها
(وكل ده بنقوله فى حاله فقط لو الزوج عاجز على انه يجيب شقه خاصه ) من استطاع منكم الباءه فاليتزوج
الباءه مش لازم شقه ليكو لوحدكم المهم يكون بيت يجمعكم ويستركم وربنا امر الزوج الى يوفر الباءه مش الزوجه هى الى تعيش معاه
وبدل ما يحصل حاجه غلط ولا البنت تعنس
ولا تتجوزى واحد مش بتحبيه وتطلقى اتجوزيه فى بيت اهله لو المكان يسمح ..اما لو الشاب قادر يجيب شقه منعزله يبقى افضل طبعا بس برضه خلى علاقتك باهله مستمره عشان تكسبى جوزك وتكسبى ربك ,ولو قادرين تعفو نفسكم لحد مايجيب شقه خاصه يكون افضل وافضل
طيب انتو مش عاوزين تتجهو للتقدم والتطور ومن الاخر كده تقلدو الغرب فى كل شئ تمام فى الغرب البنت والولد اول ما يبلغو بيتصاحبو ,,,,,,,,
وبيروحو بيت اهله او بيت اهلها ومافيش بقى مشاكل ولا نفسنه من الاهالى وماحدش بيدخل فى ما لا يعنيه وفى العلن وكله عارف ولو حملت منه بتثبت نسب الطفل ليه لحد ما يقدرو يجبو شقه خاصه بيهم يعيشو فيها ومافيش شبهات ولا كلام وحش يطلع عليهم وكل واحد عارف حدوده وما يخصه فقط طيب ده مش ناقصهم غير عقد جواز بس عشان يبقو كملو كل فروض الزواج بس مافيش عقد يضمن حقوق الطرفين وينظم العلاقه ويقويها ويحميها حياتهم بقت عشوائيه مافيش التزام الحقوق ضاعت,,,
ولما بيتجوزو ( ولا فيه قايمه ولا طلبات تعجيز ولا شروط تقطم الظهر ) وعايشن كويس وبيوفرو الفلوس الى بتتهدر دى فى مشاريع تحسن معيشتهم و
احنا بقى المسلمين لما بقى فيه جزء مننا ومش كلنا طبعا شباب بيقلدو الغرب فى علاقات غير شرعيه بقو زيهم ؟؟؟؟؟لا بقينا اسوء منهم بكتير ومن غير جواز
كل ده ليه لما الاحلال قدامنا وبنفس التسهيلات انا بستغرب لما بنت تصاحب ولد ويحصل بينهم كل شئ وتبقى بتروحله بيته ولا بيت صاحبه ويجى يتجوزها تقول لا ماتجوزوش فى بيت اهله!!!!!!!او لا عاوزه شبكه ومهر وقايمه ومؤخر يملو العين ولما صاحبتيه كان فين كل الطلبات دى !!!!!!!
وماحدش قال نعمل زيهم الست ربنا كرمها فى القران واداها حقوق اكثر من الرجل مهر ومؤخر ونفقه والزوج مسؤل منها ماديا وحمايه ليها وهايتسئل عنها يوم القيامه كل راع مسؤل عن رعيته وقال انه قوام عليها ليه ؟؟
برضه تكريم ليها عشان لو كانت بنفس قوه الراجل كان خلاها تشتغل وتصرف عليه او معاه وماكنش حس بالمسؤليه والحمايه اتجاها صحيح فى بعض رجاله بيعملو الست دلوقتى على انها راجل زيو بس ده اصلا مش راجل ,(الى يجبر مراته تشتغل دون رغبه منها )
حتى لما ربنا امرك تطيعيه ده تكريم ليكى ,,
عشان الانسان مايقدرش يكون رقيب على نفسه زى غيره يعنى فى ست جوزها يقولها صلى وهوا اصلا مش بيصلى بس لازم تطيعه وماتقوليش ليه اشمعنى انت لانه فى الخير
ولو جوزك امرك بحاجه تغضب ربنا وطعتيه هايشيل زنبك
ولو ماطعتيهوش مش هاتشيلى زنب عدم الاطاعه( زى لو قالك تقطعى صله رحمك _منعك عن خير او فروض ربنا امرك بيها _امرك تربى اولادك بعيد عن الشريعه الاسلاميه _امرك باى شئ يغضب ربنا ) من حقك ترفضى فى تكريم للمراه اكثر من كده ؟؟؟
ثانيا موضوع المهر والمؤخر:
هوا ربنا لما امر بالمهر حط (حد ادنى وحد اقصى )ولا سابها مفتوحه حسب امكانيات كل شاب ؟؟؟؟ انتى فاكره المهر ده تسعيرتك مثلا ولا ثمنك على اساس انك فرخه ليكى تسعيره ثابته ؟؟ ده عشان الزوج يعرف قيمتك تقدير وتكريم للزوجه ربنا امر بيه
ولما انتى عاوزه مهر عالى وشقه ليكى لوحدك اختارتى انسان فقير ليه ؟؟؟!!! عشان تحمليه اكثر من طاقته ولا انتى عاوزه من الدنيا كل حاجه !!!!!!! كنتى تسيبيه لواحده تانيه ترضى بظروفه
ثالثا بالنسبه للقائمه :
مافيش جوازه من غير قائمه على اساس ايه القائمه الى بتحلل الجوازه مثلا ولا فرض على كل زوج تسعيره ثابته للجميع فى شرع مين ده ؟؟!!!!!! يكتب قائمه بالعفش الى العروسه هاتجيبه فقط سواء من مهرها او من فلوسها او لو هوا الى جايب العفش وعاوز يكتبلها قائمه مايكتبش فلوس فى القائمه ولو عاوزاه يكتبلك فلوس تعويض عن مهر او مؤخر يبقى يكتبلك وصل امانه,, عشان الامور تكون واضحه لان فى رجاله كتير مش فاهمين ان لما يتكتب فلوس فى القائمه هاتطالبيه بيها فاكر ان ده عشان يتوضح ثمن العفش بس ,,لاكن مش يبقى ماضى قائمه عفش وفاكر انك هاتطلبى العفش بس ويتفاجئ انك بتطلبى فلوس فى المحكمه !!! ولو ماعوش يتسجن ,,,,
وتكتبيه فى القائمه الشبكه الى هوا جابها ليه هايسرقها وهوا الى جابها ؟؟!!!وبعدين العفش عشان فى بيته ممكن ياخده
لاكن الشبكه دى معاكى انتى ممكن انتى الى تاخديها وتطالبيه بيها ,,,,,انتو ليه ناوين من اولها على محاكم ومشاكل !!!!!جوازه دى ولا جر شكل !!!!
ده غير ان فيه ستات كتير بتطالب بالمساوه فى كل شئ وعاوزه تبقى زيها زى الراجل فى كل حاجه ولا بقى يبقى قوام ولا تطيعه ولا اى حاجه وتبقى ند ليه تمام تبقى مساواه فى كل شئ بقى .. فى دول المساواه مافيش مهر وشبكه ومؤخر وقائمه والشقه على العريس والعروسه سوا
وهما الى بيصرفو سوا ولما بيطلقو فلوسهم بتتحط على بعض وتتقسم عليهم هما الاثنين سوا
هوا ده الى انتى عاوزاه ؟؟؟؟!!!!!
بس لا بقو الستات ستات ولا الرجاله رجاله وده بشهادتكم انتم بتقوله عليهم مش رجاله بقو مسخ اشكل من بره ومن جوه ماتعرفش تفرق بينهم واحنا رافضين ده عشان احنا الحمد لله مسلمين
انتو ليه عاوزين تاخدو من الاسلام بس الى يعجبكم رجاله وستات عاوزين كلمه من القران وكلمه من الغرب بيقينا شعب مش مفهوم
وقال رَسُولَ اللَّهِ صَلَّى اللَّهُ عَلَيْهِ وَسَلَّمَ ( أول ما تسأل المرأة يوم القيامة عن صلاتها ثم عن بعلها كيف عملت إليه )
وقال رَسُولَ اللَّهِ صَلَّى اللَّهُ عَلَيْهِ وَسَلَّمَ (أيما امرأة ماتت وزوجها عنها راض دخلت الجنة )
الرِّجَالُ قَوَّامُونَ عَلَى النِّسَاء بِمَا فَضَّلَ اللّهُ بَعْضَهُمْ عَلَى بَعْضٍ وَبِمَا أَنفَقُواْ مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللّهُ وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلاً إِنَّ اللّهَ كَانَ عَلِيًّا كَبِيرًا – النساء
عَنْ أَبِي هُرَيْرَةَ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ لَوْ كُنْتُ آمِرًا أَحَدًا أَنْ يَسْجُدَ لِأَحَدٍ لَأَمَرْتُ الْمَرْأَةَ أَنْ تَسْجُدَ لِزَوْجِهَا قَالَ أَبُو عِيسَى حَدِيثُ أَبِي هُرَيْرَةَ حَدِيثٌ حَسَنٌ غَرِيبٌ مِنْ هَذَا الْوَجْهِ – الترمذي
قَوْلُهُ : ( لَأَمَرْت الْمَرْأَةَ أَنْ تَسْجُدَ لِزَوْجِهَا ) أَيْ لِكَثْرَةِ حُقُوقِهِ عَلَيْهَا وَعَجْزِهَا عَنْ الْقِيَامِ بِشُكْرِهَا . وَفِي هَذَا غَايَةُ الْمُبَالَغَةِ لِوُجُوبِ إِطَاعَةِ الْمَرْأَةِ فِي حَقِّ زَوْجِهَا فَإِنَّ السَّجْدَةَ لَا تَحِلُّ لِغَيْرِ اللَّهِ .
(فتجب له الطاعة من الزوجة بشرط أن لا يأمر بما حرم الله فلا طاعة لمخلوق في معصية الخالق فإذا قامت الزوجة له بذلك فلا سبيل له عليها يقول الله تعالى ( فإن أطعنكم فلا تبغوا عليهن سبيلا ) ويجب ألا يأمر الرجل امرأته إلا بما تطيق وليعلم أنه محاسب عن أهله ويقول رسول الله صلى الله عليه وسلم ( كلكم راع وكلكم مسؤل
,ولو هوا ماقدرش اطاعتك ليه وشالك فوق راسه ساعتها تسيبيه وتتحملى نتيجه سوء اختيارك لانسان مايعرفش ربنا وتبعدى عنه
((قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: اسْتَوْصُوا بِالنِّسَاءِ خيراً, فَإِنَّ الْمَرْأَةَ خُلِقَتْ مِنْ ضِلَعٍ, وَإِنَّ أَعْوَجَ شَيْءٍ فِي الضِّلَعِ أَعْلَاهُ, فَإِنْ ذَهَبْتَ تُقِيمُهُ كَسَرْتَهُ, وَإِنْ تَرَكْتَهُ لَمْ يَزَلْ أَعْوَجَ, فَاسْتَوْصُوا بِالنِّسَاءِ))
اذا طَلَّقْتُمُ النِّسَاءَ فَبَلَغْنَ أَجَلَهُنَّ فَأَمْسِكُوهُنَّ بِمَعْرُوفٍ أَوْ سَرِّحُوهُنَّ بِمَعْرُوفٍ وَلَا تُمْسِكُوهُنَّ ضِرَارًا لِتَعْتَدُوا وَمَنْ يَفْعَلْ ذَٰلِكَ فَقَدْ ظَلَمَ نَفْسَهُ
ربنا خلق الانسان فى الاول راجل مش ست
وبعدين خلق الست من ضلعه يعنى انتى واخده من صفاته ومن جسمه يعنى مستحيل كل الستات تبقى كويسه وكل الرجاله الى وحشه
وبعدين انتو نسيته كل القوانين الى امنت الزوجه من الزوج كل ده ولسه خايفين ؟؟
خافو على بناتكم واولادكم من عزوف الشباب عن الزواج وسهلو عمليه الزواج بلاش نفسد المجتمع عشان هايجى على راسنا كلنا وكلنا هانندم ......
شجعو الحلال ,,,,,,,,وامنعو الحرام.,,,,,, ده لو فعلا كنا مسلمين قلبا وقالبا
المقاله بقلم : نسمه النجار