قصيدة ... كُباية عسلك الابيض

من أول شفطه فْ كُبايه عسلك الابيضْ
وانا حاسَّه بطعم المُرْ
وف آخر شفطه سألتك: عندك تاني..؟؟
قُلت : يا ريت ..... والله خلص .. ولا كان يتعَز
فسألتك: معقوله مفيشْ..؟
إزاي..؟
طبْ ما انتَ بتِسقِي جميع الناس سُكر معقودْ
وِبتِوْفي معاهُم كل عهودْ
إشمعنى انا وحدي اللي استحمل
وَاستنّى فْ يوم تتعطّف،
وِتدوّقني حلاوة العسل المُر..؟
طبْ حتّى ده مُر.....!
مش برضو انا زيّ الناس دي كمان ...؟
إنسانه ولازم احسّ ف يوم شبأمان...؟
؛ من أول شفطه ف كُباية عسلك الابيضْ
وانا حاسَّه بطعم المُر..