في البداية يرغب القراء بالتعرف على الكاتبة، فمن هي ؟ كاتبة ...بورسعيدية... زوجة وأم ماهي أول قصة /رواية كتبتها، وهل تم نشرها؟ اول رواية وافضل تسميتها حلقات درامية بالعامية كانت "يوميات حماة" ... ونشرتها فى مدونتى هل هناك من شجعك على الكتابة في البداية؟ إن كان من هم؟ اول حد شجعنى ومازالت تشجعنى هى أمى... وعلى مدى مراحل حياتى كان فيه ناس بتشجعنى لفترات زى مثلا مدرسين ابتدائى وبعد كده كل مرحلة فيه ناس بتشجعنى وناس بتحبطنى هل تتبع طريقة معينة قبل بدء الكتابة؟ لما بفكر فى فكرة معينة بحاول اجمع كل المعلومات اللى تتعلق بالفكرة دى وبعدين اتوكل على الله وابدأ كتابة كيف تصنف كتاباتك؟ نفسية /رومانسية/ أجتماعية/ رعب رومانسى اجتماعى غالبا، بوليسى احيانا ما هي المشاكل التي واجهتك ككاتبة في البداية؟ لا الحمدلله مفيش مشاكل واجهتنى لأنى نشرت فى مدونتى ومكنتش مهتمة بالطباعة هل تعرضت لنقد سلبي شعرت بأنه أثر على عملك ككاتب؟ إن كان ماذا كان وكيف؟ طبعا اتعرضت لنقد سلبى فيه اللى اهتميت بيه وفيه اللى تجاهلته تماما لان حاليا ناس كتير بتخلط بين النقد والتجريح والاساءة...فأى نقد موضوعى كنت بفكر فيه واحسن من نفسى فعلا...مثلا كان فيه انتقادات كتير بسبب العامية فلقيت ان معاهم حق وغيرت طريقتى للمزج بين الفصحى والعامية اما النقد اللى فيه اساءة وتجريح مبهتمش بيه لانه يعبر عن اسلوب كاتبُه اما اللى بيعبر عن رأيه مثلا ان الرواية معجبتوش او محبهاش بحترم رأيه لان عادى وطبيعى اختلاف الاذواق وكل واحد حر فى رأيه أي من مؤلفاتك تشعر بأنه يعبر عنك أكثر / أو اخذ حيز كبير من اهتمامك؟ انا بحب كل اللى كتبته ... بدرجات متفاوتة اللى اخذ حيز كبير من اهتمامى "ليست عذراء" بسبب الصدمات اللى كنت بستقبلها من بنات تابعونى والقصة شجعتهم انهم يتكلموا ويحكوا حكاياتهم... قصص واقعية يشيب لها الولدان هل يمكن أن نرى لاحقاً لك فيلماً كتبت أنت السيناريو السينمائي له؟ يارب ما هو أطرف موقف تعرضت له ككاتب؟ هو موقف متكرر بيسعدنى اكتر من انه طريف لما كنت بكتب حلقات وتكون كل الكومنتات على حلقة معينة كأن اللى حصل حقيقى ...فيكون مثلا كل الكومنتات بهدلة فى شخصية معينة كأن الشخصية دى سامعاهم كنت بفرح لانى بحس انى قدرت اوصل الاحساس صح هل تشعر بأن الكتابة قد أضافت لك على الصعيد الشخصي؟ الاضافة الجيدة انى بعمل الحاجة اللى بحبها وحققت حلم بقالى سنين بحاول احققه... وفى نفس الوقت للاسف اخدت من وقتى واعصابى وصحتى كتير جدا حدثنا قليلاً عن مدونة دينا عماد؟ كيف واتتك الفكرة وكيف تطورت؟ الفكرة كانت اقتراح من ابن خالتى انى اعمل مدونة واكتب فيها... وقتها مهتمتش اوى بالفكرة...بس بعد وقت بسيط فكرت انى اعمل مدونة بس مكنتش عايزة فكرتها تكون مكررة ففكرت انى اعمل مدونة يوميات حماة وفيها اكتب المواقف اللى بتحصل من الحماة من وجهه نظرها هى... وقد كان وفعلا كتبتها على حلقات وحققت متابعة بس لما حسيت ان الافكار خلصت نهيتها... فالقراء بقوا يسألونى على قصة تانية ومن هنا جت فكرة تغيير الاسم لقصص دينا عماد وانها تكون قصص على حلقات مش قصة واحدة ما هي أخر مؤلفاتك المتواجدة بمعرض الكتاب 2014؟ رواية الدائرة ماهي مشاريعك القادمه؟ وإلى من تهديها؟ لسه مشروع غير كامل واول ما تتحدد معالم نشره هعلن عنه باذن الله وكل شغلى بهديه لقرائى اللى بعتز بيهم جدا بماذا تنصح من يرغبون بدخول المجال الأدبي ككتاب؟ القراءة والكتابة كتير... حاول وحاول ومتخافش الفشل ...وحتى لو فشلت مرة اتعلم من اخطائك ومتكررهاش فى المحاولة التالية