فى زحمة الدنيا الغريبة قابلت آلآلآلآلآلآف الوشوش وشوش بريئة وقلوب رقيقة يشتروا بس ميبيعوش وناس تشوفها زى الملايكة وسط البشر ميعيشوش وناس تشوفها تقول ملايكة وهما فالاصل وحوش وناس تعيش عمرك معاهم وف لحظة عالعشرة ميبقوش وناس توهب عمرك عشانهم وللاسف ميقدروش وناس عايشة بألف وش وف سوق الدنيا مبيخسروش وناس خفيفة وعقول ضعيفة كلام كلام مبيسكتوش وناس تحتار ازاى تراضيهم وهما عنك مبيرضوش وناس تصاحبك بس ف حزنك وف وقت فرحك ميفرحوش وناس تشوفها تقول أصيلة من بره بس يدوب رتوش وناس عايشة على طول حزينة ولو يوم ضحكوا ميعرفوش وناس تبيع قلبك فداهم وهما ياقلبى ميستهلوش وناس تعيش على جرح الناس وكله عادى مبيندموش واللى يقابل كل دول . أكيد عيونه ميتخدعوش