بحبك يا مصر

حاله غريبه
صحيت عليها
حسيت الدموع فى عينيا بتحاربنى عايزه تنزل تصرخ لكن محبوسه مخنوقه
فى عينيا بتموت
احساس غريب صاحبنى يومى
قلبى حزين حاسه بيه حزين
جوايا مخنوق
عايز يصرخ بعلو الصوت
ينده يقول انا باموت
صوتى جوايا وجوا كل واحد فينا
محبوس
الحزن
على ولادنا على جنودنا
على مصر كل بيقطع فينا
بيبكينا
انقذوها ... انقذوا مصر
مصر مخنوقه
سعدوها ومن الارهاب خلصوها
رجعوها من تانى لينا
حربوا الارهاب فى كل مكان
لكن
حاسبوا من غدر الاخوان
ده
مستخبى ليكم وناوى يغدر بيكم
ده شيطان
خلوا عينيكم ليه صاحيه
اوعوا يحاول بينكم يفرق
دول وباء سرطان فى بلدنا
اتمدد
نبضى منى بيروح خايفه
عليكم منهم
حزين قلبى عايزه ابكى
الحزن جوايا بيدحبنى
كل حاجه حواليا شايفها حزينه
حتى الورده الحمرا دبلت وورقها نشف والحزن قتله
و البلبل
اللى كان كل يوم يجى يصبح عليا بغنوه حلوه تفرح قلبى وعينيا
راح واختفى صوته جواه اتخنق
والسما الصافيه بلونها الازرق الجميل
غطاها سحاب اسود فى سواد الليل
والدنيا الحزن كساها
والسما رعدت وبرقت ومطرت مطر حزين
الشجر صرخ بعلو الصوت
وفروعه اتكسرت وورقه مات فى غمضة عين
عينيا بتبكى حاسه انى من جوايا
باموت
حزنى على بلدى بيقتلنى كل يوم
شهيد ورا شهيد
دم فى كل مكان
غدر بجنودنا وحرايق بايدين الاخوان
لامتى الحزن حيفضل جوانا ساكن
لامتى الفرحه حتفضل غايبه عن دنيانا
امتى يا بلدى حنقول للعالم من تانى
ادخلوها امنين ادخلوها سالمين
دى مصر ام الدنيا وحتفضل ام الدنيا
على طول
نهى