الدمعه ..

الدمعه .. كلمات د. أديب بازهير
مهما أنا فيك سويت ، ومهما تكدرت مني وشكيت
مهما أنا فيك حكيت ، ومهما ذرفت الدمعة وبكيت
في النهاية أدري أني أنا سبب هالدمعه
بس أنت ماتدري انك في دنيتي شمعه
لو ذرفت الدمعه ..
تنطفي فيني الشمعه ..
ودي أعرف وايش هي دمعتك ؟
دمعة قهر .. دمعة ندم .. دمعة حب ..
ان كانت دمعة قهر .. سامحني أنا من جاب لك الكدر
وان كانت دمعة ندم .. سامحني أنا من جاب لك الألم
وان كانت دمعة حب .. اعذرني أنا من علمك الحب
وكل دمعة تذرفها ، تحسي بنار الحب فيها
وكل كلمة تقولها ، بطعم الشوق تحسها
أنا من علمك الحب وأنا من زرع فيك اللهفة والحنين
لكن أنا نسيت أحذرك من دموع الليالي والبكا والأنين
.. نسيت أقول لك ان الحب عذاب ..
.. نسيت أقول لك ان الشوق غلاب ..
وأنت توك صغير ماتتحمل الشقا
أنا أتعب من الحب و هذا هو أنا
... الدمعة عباره عن عناد بين الشوق والحب اللي فيك ...
... يعني باختصار انت تحبني بجنون وهذا اللي أبيه يجيك ...
.. لا تحسب الحب انك تقول أحبك وفوقها غمزة ، الحب مو بس كلمة ، الحب انك تذرف الدمعة ..
خذ مني هالكلمتين الحب كلمه كبيره
تنحرق بالنار و تنكوي بنار بالغيره
وتلتاع من الدمعة الأولى الين الأخيره
تعيش العذاب وتعيش لحظات الحيره
دمعة الحب من العيون .. تحسسك بنار الشجون