تلاتين من شهر سته

طول حياتي مش ناسيه
على بالي فاكره حته حته
يوم نجاة الشعب فيه
يوم تلاتين من شهر سته
يوم ثقتنا في جيشنا زادت
مع انها في يوم ما هانت
للكل يومها شجاعته بانت
مصري قال وعقديتي ثابته
المشير كان صقر جاسر
كلامه واضح كان اوامر
مهمهوش اخوان اميركا
قال عشان الشعب اخاطر
احنا منكم احنا بيكم
في الصعب روحنا تفتديكم
شعب مصر خط أحمر
جيش وشرطة بين ايديكم
السيسي قالها للجميع
مصر سد كبير منيع
ناكلها حاف أو نصوم
مؤمنين مش راح نضيع
يد واحده الكل كان
ع اللي باعنا واللي خان
واللى رخًص في القضية
مزبلة التاريخ له مكان
ولأن وعد المولي حق
والحق صاحبه بيه أحق
جيش وشعب وشرطة واحد
مصر نورها زاد وشقشق