حكاية شعب

الجامعة العربية ادتلوا مهلة
يمكن يقدر يكسر لعبة طفلة بريئة
يمكن يقدر يكتم صرخة أمة جريحة
يمكن يقدر يخرس كلمة حق جريئة
يمكن يقدر ينفي أي حقيقة
يمكن يقدر يوقف مد الزحف الثوري
ويحول ربيعه خريفا
...........
الزحف الثوري العربي يا سادة
طلع من تونس
شجع مصر
اشتاقت روحها للنصر
راح على ليبيا
هد على شمشون القصر
قال اليمنى : أنا معاكم
روحي فداكم
إيدى فى إيدكم هثور وياكم
سمع السورى صوت الثورة
قال أنا ليها وبيها أولى
صحي البخاخ كتب شعارات في نص الليل
دوخ أمن الدولة وراه
قرأ الأطفال كل شعار
غنى الطفل بكل براءة
ارحل ارحل يا بشار
..........
قال بشار :
أنا غير تونس
أنا غير مصر
أنا مش ليبيا
وكمان شعبي مش غدار
حبس أطفال حرق بالنار
هد بيوت هد جوامع
حول كل عمار لخراب
غنى الشعب مع الأطفال
ارحل ارحل يا بشار
.................
كان أبوك أسد غدار
قَتِل شعبه فى عز نهار
هد علينا كل جدار
راح الشعب فى غيبوبة
وصحي على صوت ثوار
صوت أحرار
غنى الشعب
مع الثوار مع الأطفال
مهما طال الليل وطال
بكره هيطلع لينا نهار
بكره بلدنا تشوف النور
وأنت هترحل يا بشار