كانت غلطتي

دكتور وماشي بشنطتي .......علي رجلي ..مش عربيتي
إللي يقول آه.. ألحقه............وأنا مين يآنس وحدتي
يشفي بإذن الله مريضي........ومن وريدي وقوتي
أديله دمي إن نزف............وضميري ده أساس مهنتي
وإن كان فقير معهوش فلوس......يدعي لي ديه أمنيتي
علي مكتبي ظهري إنحني.......وأتمني تبقي شغلتي
وكنت طاير م الفرح..........لما بقت.. كليتي
ماأعرفش صيفي من شتاي ......ولا أولي من أخرتي
ونسيت ملذات الحياه........حتي رفاقي وصحبتي
لما بقي إسمي طبيب.........سبعين تعد..مهيتي
وده غيرنا يقبض بالألوف......ويقول يا دوبك..قهوتي
خمسين سنه من عمرنا.........ضاعت وقول..يادهوتي
يا رب هي قسمتي؟............ولا دي كانت غلطتي؟
لو دارت الأيام ما أقول........الطب لو علي جثتي
د.هاني بخاري
استشارى جراحة
شاعر أطباء الإسكندرية