عاشق

مش بس كلمة وبنقولها
حياة ومعنى وإحساس
ولا كل مًنْ بيغنى لها
عاشق ودايب إخلاص
وأنا اللي عاشقك من بدري
حُبك يا روح ف الروح تسرى
من غير محال
من غير سؤال
أحب أحبك أنا وخلاص
=-=-=-=-=-=
اسهر وليلي بيسهر لك
عاشق وعشقك جوايا
من نظره شوقي بيوصلك
والجنة لما تكون ويايا
ما يهمنيش إلا رضاك
والعمر أعيشه معاك
اتهنى واسعد بلقاك
الصُحبة أنت وكل الناس
=-=-=-=-=
أحلي ما فيكى يا دنيا الحب
أجمل مافيك يا حب حبيب
ساكن عيوني وجوه القلب
ما الدنيا كان أحلي نصيب
زى الندى فى الصبحية
رقيق وقلبه الحنية
مهما الحياة تقسى علي
هو القمر في الليل وناس