الكفه والميزان مات الفاروق

احمدعبدالسلام بدوى
حكايتنا فى كلمتين
ياعدل ميزانك فين
ياعدل ليك كام كفه
وانت على قفايه بتدفه
ومشغل ليك ميزانيين
واحد لحسن والتانى لحسين
الاول افسد حياه المدنيه
وبلانا بشله حراميه
نهبوامشارعنا القوميه
وباعوا الالف الفداديين
وسفكوا دم الملايين
وقتلوا شبابنا الطاهرين
وبين الشعوب بقينا مساكين
ومرت علينا الايام بسنين
وعلى الظلم بقينا صابرين
وكل ده وطلعوا مساكين
واحنا اللى عليهم جاتيين
والتانى قال ايه حويط
وهو فى الاصل عبيط
شايف سكاكين حواليه
مد ليهم ايده ورجليه
ولبسوه السلطنيه وشيلوه المسؤليه
وقالولوا يارئيس الجمهوريه
وظبطوا الميزان التانى عليه
وبسرعه دعكوا فى الفانوس
وطلعوه عميل وكمان جاسوس
ومادد ايده للهكسوس
واهو دلوقتى ياناس محبوس
لا نافع معاه دوا ولا لبوس
وياحسره اهله وناسه عليه
وهما بيلفوا المشنقه حواليه
وياعدل ليك ميزانيين
واحد لحسن والتانى لحسين