نازل عشان أحس إنها عايشة جوايا !

طبعا هشارك .. أنا أصلا كل يوم جمعة باروح الميدان علشان أحس إن الثورة لسه عايشه جوانا ..
يا جماعة الثورات تبدأ بسقوط الأنظمة ولا تنتهى بها .إحنا أمام مشوار طويل جدا وإذا كان التغيير تم بشكل جزئى فإن الإصلاح لا يزال فى الطريق .. ميدان التحرير هو قلب الثورة النابض وإذا توقف القلب عن العمل توقفت الحياة ولهذا يجب أن يظل نابضا متحركا قلقا وإلا ستنطفىء الثورة وتنتهى .. وأنا سأشارك فى مليونية الغضب الثالثة وسأرفع لافتة أحذر فيها من عودة رموز الظلم والفساد مرة أخرى للحياة .. سأطالب بمزيد من الحسم والقوة فى إدارة البلاد .. سأطالب بتجميد رموز الحزب الوثنى او الوطنى وسأطالب بالتوقف عن الخداع والغش .. الشعب قام بثورة ضد الظلم يبقى لازم نرى صوت العدل ولازم نشعر إن الفاسدين أخذوا جزائهم مش أخدوا براءة .. أنا نازل ومش خايف من البلطجية ولا خايف من الفوضى .. لإن الفوضى دى مش من أخلاق الثورة ولا الجيل المحترم الذى أنتمى إليه هو المسئول عنها .. أنا نازل عشان أطالب أولى الأمر بأن يكونوا مخلصين للبلاد ولا يتركونا هكذا لمصير مجهول .. ونازل كمان عشان أقول إن الدستور مش أولا ولا ثانيا لأن ده مطلب القوى السياسية ولا يهم الشعب..
محمد شعبان