بالفيديو : فضيحة .. توفيق عكاشة يلقن حياة الدرديرى كل كلامها من الكنترول !

كوميديا مستر أكس الشهير ب " توفيق عكاشة " مش ممكن تنتهي أبدا.. ومواقفه كل يوم عجيبة.. فجأة ظهر فيديو بالأمس لحلقة سابقة كانت تقدمها حياة الدرديري ، والغريب أنها تحولت فيها إلي بغبغان تردد كلام توفيق عكاشة الذي كان يلقنها من الكنترول ما تقوله.. ولكن الأغرب أن يقول لها تقول أنها كانت شاهدة على بعض المواقف.. وصوت توفيق عكاشة كان واضحاً جدا.. وكانت تعبيرات حياة الدرديري واضح عليها أنها تنتظر ما سيقوله عكاشة.. ولم تضف أي كلام سوى كلمة" طبعا"...
الفيديو طبعاً تم تسريبه من أحد عمال غرفة الكنترول ، وقالت حياة الدرديري نقلا عن عكاشة: أنا بقول باسم الدكتور توفيق لو سمحت يا دكتور مغاوري ويا دكتور عفت ابعدوا عن تدمير حزب مصر القومي، لأنه لن يسمح لكم، بأمارة لما روحتوا للمستشار مرتضي منصور وقولوا له والنبي مالكش دعوة بينا ولما المستشار مرتضي طبعا رجل الأصول اللي بيفهم في الأصول وكلم الدكتور توفيق وقاله أنت هاتترشح لرئاسة الحزب قاله ايوه هاترشح، قاله بيقولوا إن أنت انسحبت قاله ده أنا عدلت عن انسحابي بعد ما طالبني الأغلبية العظمى من أعضاء الحزب إني مانسحبش، فقاله يا دكتور ده حقك وده مجهودك اللي أنت بذلته وأنت وقفت لغاية ما خليت فيه 5 نواب في البرلمان من حزب مصر القومي، وقاله أنت قدرت إنك تكون تبقي صاحب المركز السادس في التمثيل البرلماني وأنا استحالة ومش ممكن اتعدى عليك نهائي واحنا أصدقاء وواكلين عيش وملح مع بعض يا توفيق، وقول لعفت ومغاوري مرتضى منصور في ضهري ومحدش هايقدر يفرقنا ابدا.
توفيق عكاشة و حياة الدرديرى
متهيألي الدكتور مغاوري راح لمرتضي، وأنا كنت موجودة مع الدكتور توفيق عند مغاوري شحاتة والدكتور توفيق قعد في الجلسة وقاله يا دكتور مغاوري احنا عايزين نلم الموضوع عشان خاطري أنا مش عايز يكون فيه انشقاقات في الحزب اللي تعبت فيه واتبني على أكتافي، وأنا شاهدة على الكلام ده، فرد عليه وقاله دول عايزين يرشحه مرتضي منصور ضد عفت فقاله توفيق ليه أنا مت ولا ايه دا أنا وكيل المؤسسين مع طلعت السادات ولا انتوا افتكرتوا إني مت معه، مايصحش الكلام ده يا دكتور مغاوري، فقاله طب نعملك نائب رئيس حزب، فطبعا ضحك الدكتور توفيق ضحكة سخرية وقاله هانبقي نشوف الموضوع ده، فيعني تخيلوا يا جماعة الأمور وصلت لهذه الدرجة.
توفيق عكاشة و حياة الدرديرى
على فكرة عايز أقولكم المستشار مرتضي كان هايترشح لرئاسة الحزب وابلغ الهيئة البرلمانية بذلك وبمجرد ما حدث اتصال تليفوني بينه وبين توفيق رجل الأصول هايعمل ايه شوفوا مرتضي عمل ايه رجل الأصول قال مش ممكن يا عم توفيق اتعدي عليك أبدا أنا في ضهرك بينما اللي جم ببراشوط لحزب مصر القومي عايزين ينفذوا تعليمات احمد عز وصفوت الشريف وجمال مبارك ويقولوا أوعي ييجي توفيق عكاشة رئيس حزب لأنه أول واحد خرج وأتكلم وطالب بإعدامهم.
عموماً هذا الفيديو يستحق فيه عكاشة أوسكار في التأليف .. وحياة الدرديرى أوسكار في التمثيل ، وعامل الكنترول الذى قام بتسريب هذا الفيديو أوسكار في الندالة !!.
توفيق عكاشة و حياة الدرديرى